ԵՐԵՎԱՆ, 1 մարտի — Sputnik. «Ալ–Շաբիբ» խմբավորման (արգելված է մի շարք երկրներում) զինյալների և անվտանգության ծառայությունների մարտական բախումների զոհ են դարձել ավելի քան 25 մարդ։ Այս մասին հայտնում է africanews գործակալությունը։
Ինքնասպանը պայթեցրել է իրեն Սոմալիի մայրաքաղաքի կենտրոնում գտնվող Մակա–Ալ–Մուքարամ փողոցի հյուրանոցի մոտ, որից հետո ահաբեկիչների մի խումբ գրոհել է ռեստորանի շենքը։
«Առաջին պայթյունից մոտ մեկ ժամ անց տեղի է ունեցել երկրորդ պայթյունը, այդ պատճառով զոհերի թիվը կարող է աճել»,– նշել են ոստիկանությունում։
Ռեյթերսի տեղեկության համաձայն` մահապարտ–ահաբեկչով ականապատ ավտոմեքենայի պայթյունը տեղի է ունեցել Hilac UK հյուրանոցի ռեստորանի մոտ` Մակա–Ալ–Մուքարամ փողոցի վրա, որտեղ բազմաթիվ խանութներ և հաստատություններ են գտնվում։ Պայթյունի հետևանքով վնասվել են մերձակա շենքերը, այրվել են տասնյակ ավտոմեքենաներ։ Ինչպես հայտնում է պորտալը, պայթյունից հետո հրաձգություն է սկսվել։