Դմիտրի Պեսկով

ՀԱՊԿ–ում գլխավոր քարտուղարի հետ կապված տարաձայնությունների պատճառով վակուում չկա. Պեսկով

68
(Թարմացված է 15:12 22.02.2019)
ՀԱՊԿ–ում գլխավոր քարտուղարի հետ կապված տարաձայնությունների պատճառով վակուում չկա, հայտարարել է ՌԴ նախագահի մամուլի քարտուղար Դմիտրի Պեսկովը։

ԵՐԵՎԱՆ, 22 փետրվարի — Sputnik. ՀԱՊԿ անդամ երկրների միջև որոշակի տարաձայնություններ կան կազմակերպության գլխավոր քարտուղարի հարցի վերաբերյալ, իրավիճակը հանգուցալուծման ընթացքում է։ Այս մասին ասել է ՌԴ մամուլի քարտուղար Դմիտրի Պեսկովը։

«Ո՛չ Կրեմլում, ո՛չ ՀԱՊԿ–ի մյուս անդամների թվում որևէ ֆրուստրացիա չեն ապրում, և որևէ վակուում ՀԱՊԿ ղեկավարության մեջ չկա, քանի որ, գիտեք, հիմա աշխատում է գլխավոր քարտուղարի պաշտոնակատարը, որը կկատարի պարտականությունները։ Նա օտար մարդ չէ, նա իր պարտավորությունները կկատարի այնքան ժամանակ, մինչև նոր գլխավոր քարտուղարի հետ կապված իրավիճակը չպարզվի», – ասել է Պեսկովը լրագրողներին` պատասխանելով նոր քարտուղարի ընտրության շուրջ առկա բանավեճերի մասին հարցին։

Նա նշել է, որ որոշակի տարաձայնություններ կան անդամների միջև, դրանք այս պահին կարգավորվում են, գործընթացը շարունակվում է։

Նշենք, որ ՀԱՊԿ գլխավոր քարտուղարի նշանակման հարցը դեռ չի լուծվել։ Երևանի և Մինսկի միջև տարաձայնություններ էին առաջացել։ Վեճերը սկսվել էին այն բանից հետո, երբ Հայաստանը ՀԱՊԿ գլխավոր քարտուղարի պաշտոնից հետ էր կանչել իր ներկայացուցիչ Յուրի Խաչատուրովին։

Հայաստանը պնդում էր, որ այդ պաշտոնում պետք է իր ներկայացուցիչը լինի մինչև 2020 թվականը։ Միևնույն ժամանակ Բելառուսն առաջարկում է իր թեկնածուին` Անվտանգության խորհրդի քարտուղար Ստանիսլավ Զասին։

ՀԱՊԿ գլխավոր քարտուղարի պարտականություններն այս պահին կատարում է Վալերի Սեմերիկովը։

68
թեգերը:
Յուրի Խաչատուրով, Հավաքական անվտանգության պայմանագիր կազմակերպություն (ՀԱՊԿ), Ռուսաստան
Ըստ թեմայի
Տևական ժամանակ է ՀԱՊԿ–ը գլխավոր քարտուղար չունի. Բելառուսը պահանջում է արագացնել
Բնական եմ համարում այն տեղը, որ ունեն ՀԱՊԿ-ն ու ԵԱՏՄ-ն կառավարության ծրագրում․Շահգելդյան
Վլադիմիր Պուտինը ՀԱՊԿ–ում Ռուսաստանի լիազոր ներկայացուցիչ է նշանակել