Դավիթ Տոնոյանն այցելել է IDEX-2019

Հայկական ռազմարդյունաբերական տաղավարն Աբու Դաբիում. Տոնոյանն այցելել է IDEX-2019

265
Ավելի վաղ Արծրուն Հովհաննիսյանը նաև տեսանյութ էր հրապարակել IDEX-2019 ցուցահանդեսից։

ԵՐԵՎԱՆ, 17 փետրվարի — Sputnik. ՀՀ պաշտպանության նախարար Դավիթ Տոնոյանն այսօր Աբու Դաբիում մասնակցել է IDEX-2019 ցուցահանդեսի։

Այս մասին ֆեյսբուքյան իր էջում գրել է ՀՀ ՊՆ մամուլի խոսնակ Արծրուն Հովհաննիսյանը։

«ՀՀ պաշտպանության նախարար Դավիթ Տոնոյանը այցելեց IDEX-2019 ցուցահանդեսին ներկայացված հայկական ռազմարդյունաբերական ձեռնարկությունների տաղավար»,– գրել է Հովհաննիսյանն ու նկարներ հրապարակել նախարարի այցից։

Ավելի վաղ Արծրուն Հովհաննիսյանը նաև տեսանյութ էր հրապարակել IDEX-2019 ցուցահանդեսից։

Նշենք, որ ավելի վաղ տեղեկացրել էինք, որ ՀՀ պաշտպանության նախարար Դավիթ Տոնոյանը աշխատանքային այցով ժամանել է Արաբական Միացյալ Էմիրություններ: Նա մասնակցելու է Աբու Դաբիի Պաշտպանության միջազգային կոնֆերանսին, ինչպես նաև IDEX-2019 ռազմաարդյունաբերական ցուցահանդեսին։

265
Ըստ թեմայի
Տոնոյանը Մոսկվայում քննարկել է հայ-ռուսական ռազմատեխնիկական համագործակցության ծրագրերը
Դավիթ Տոնոյանը ՍՈւ-30 ՍՄ-ով. նախարարը հանդիպել է «Ռոստեխ» կորպորացիայի գլխավոր տնօրենի հետ
ՀՀ–ն ո՞ր դեպքում կմասնակցի Սիրիայի ռազմական գործողություններին. պատասխանում է Տոնոյանը
Բիլ Գեյթս

«Այնքան անհեթեթ են, որ անհնար է հերքել». Գեյթսը` մարդկությանը չիպավորելու ծրագրերի մասին

32
(Թարմացված է 18:03 05.06.2020)
Բիլ և Մելինդա Գեյթսերի հիմնադրամը ֆինանսավորում է դեղորայքի և պատվաստանյութի հետազոտությունները։ 2018-2019 թվականներին ԱՀԿ-ի բյուջեի մոտ 10%–ը ձևավորվել է հիմնադրամի միջոցներով։

ԵՐԵՎԱՆ, 5 հունիսի –Sputnik. Մարդկությանը չիպավորելու դավադրության թեորիաները չափազանց անհեթեթ են դրանք հերքելու համար։ Այսպես է կարծում  Microsoft կորպորացիայի հիմնադիր Բիլ Գեյթսը, հայտնում է Business Insider–ը։

Սոցցանցերում և ԶԼՄ-ներում բազմիցս տեղեկություններ են հայտնվել այն մասին, որ իբրև թե Բիլ և Մելինդա Գեյթսերի հիմնադրամը ցանկանում է COVID-19 դեմ պատվաստանյութն օգտագործել մարդկանց չիպավորելու և հետևելու համար։

«Երբեք միկրոչիպերով չեմ զբաղվել։ Այնքան հիմար և անհեթեթ է այդ ամենը, որ գրեթե անհնար է հերքել», – հայտարարել է ամերիկացի գործարարը։

2018-2019 թվականներին Գեյթսի հիմնադրամի տրամադրած միջոցները կազմել են ԱՀԿ-ի բյուջեի 10%–ը։ Մասնավորապես, հիմնադրամը ֆինանսավորում է դեղորայքի և պատվաստանյութի հետազոտությունները։

ՌԻԱ Նովոստին իր հերթին հայտնում է, որ ՌԴ նախկին գլխավոր սանիտարական բժիշկ Գենադի Օնիշչենկոն ավելի վաղ չիպավորման մասին լուրերն անվանել էր «բացարձակ հիմարություն» և «անհաջող պատվեր»։

Նա հավելել էր, որ եթե որևէ մեկը ցանկանար դա պրակտիկայում իրագործեր, ապա վաղուց արած կլիներ, օրինակ, գրիպի դեմ պատվաստման միջոցով։ Նա նման տեղեկատվական լցոնումները նա անվանել է «որոշ մարդկանց շիզոֆրենիկ զառանցանք»։

Օնիշչենկոյի կարծիքով` ՌԴ քաղաքացիները, ինչպես և այլ պետությունների բնակիչներ, դրական կվերաբերվեն կորոնավիրուսի դեմ պատվաստվելու հնարավորությանը, քանի որ գիտակցում են նրա անհրաժեշտությունը։

Համընդհանուր չիպավորում․ թեր և դեմ կարծիքներ

Worldometer համաշխարհային վիճակագրության կայքի համաձայն` հունիսի 5-ի դրությամբ, աշխարհում COVID-19–ով բացահայտված դեպքերի ընդհանուր թիվը հասել է 6.7 միլիոնի։ Համավարակի զոհ է դարձել ավելի քան 393 հազար մարդ։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

32
թեգերը:
Բիլ Գեյթս, չիպավորում, աշխարհ, կորոնավիրուս
Ըստ թեմայի
«Հիվանդությունը կա, վիրուսը կա». ինչ է հորդորում կորոնավիրուսով վարակված տղամարդը
Ոստիկանությունում կորոնավիրուսով վարակվածների թիվը 100-ի է հասնում
ՀՀ–ում կորոնավիրուսով վարակված տարեցների խնամքը կկազմակերպվի մեկուսացված վայրում
Միխայիլ Կոկշենով

Մահացել է հայտնի դերասան Միխայիլ Կոկշենովը

35
(Թարմացված է 15:15 05.06.2020)
Դերասանը 83 տարեկան էր։ Մահվան պատճառը չի նշվում։ Սակայն հայտնի է, որ վերջին շրջանում դերասանը պայքարում էր ծանր հիվանդության դեմ։

ԵՐԵՎԱՆ, 5 հունիսի - Sputnik. 83 տարեկանում մահացել է ռուս հայտնի դերասան Միխայիլ Կոկշենովը։ Տեղեկությունը հայտնել է բանաստեղծ Լյուբով Վորոպաևան։

«Մահացել է Միշա Կոկշենովը։ Հիշատակը վառ մնա»,- Facebook-ի իր էջում գրել է նա։

2017 թվականի հոկտեմբերին նա գլուղեղի կաթված էր ստացել։ Դերասանը փողոցում քայլելիս հանկարծակի վատ էր զգացել․ անցորդները շտապօգնություն էին կանչել։ Ավելի ուշ հայտնում էին, որ արտիստի վիճակը լավանում է։

Նա ընդհանուր առմամբ 130 դեր է խաղացել ֆիլմերում ու սերիալներում։ Ամենահայտնի ֆիլմերից են՝ «Դաուրիան»,  «Սպորտլոտո-82»-ը, «Ամենահմայիչն ու գրավիչը» և այլն։

35
թեգերը:
դերասան, Մահ, Ռուսաստան
«Նորք» ԲԿ

Ինչու են առողջացածների տվյալները նվազել. Փաշինյանը հայտնեց հաշվարկի նոր սխեմայի մասին

0
(Թարմացված է 19:57 05.06.2020)
Նիկոլ Փաշինյանը հայտնեց, որ պարետատան նիստում տոտալ կամ մասնակի սահմանափակումների գնալու որոշում չի կայացվել։

ԵՐԵՎԱՆ, 5 հունիսի — Sputnik. Եթե նախկինում առողջապահության նախարարությունը տեղեկացնում էր կորոնավիրուսով վարակվածներից բոլոր առողջացածների տվյալները, ապա հիմա այդ մեխանիզմը փոխվել է։ Պարետատան նիստից հետո ճեպազրույցի ժամանակ հայտնեց ՀՀ վարչապետ Նիկոլ Փաշինյանը։

«Հիմա հայտնում ենք միայն ծանր և առանձնապես ծանր վիճակում գտնվողների առողջացման տվյալները, այսինքն` միայն հոսպիտալացվածների»,–ասաց Փաշինյանը։

Նա բերեց իր և իր ընտանիքի անդամների օրինակը` ասելով, թե քանի որ առանց ախտանշանների է ընթանում իրենց մոտ վարակը, և չեն հոսպիտալացվել, ապա հետո իրենց տվյալներն ընդգրկված չեն լինելու առողջացածների ցանկում։

Անդրադառնալով հետագա անելիքներին` վարչապետը նշեց, որ այսօր տոտալ կամ մասնակի սահմանափակումների գնալու որոշում չի կայացվել։ Ըստ նրա` նման որոշում չի կայացվի այնքան ժամանակ, քանի դեռ նման հնարավորություն կա։ Փաշինյանը նշեց` հավատում է յուրաքանչյուր ՀՀ քաղաքացու վարքի փոփոխությանը և հակահամաճարակային կանոնների պահպանմանը։

Ամեն ինչ օրենքի սահմաններում է. Փաշինյանը մեկնաբանել է լուսանկարներ հրապարակելու փաստը

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

0
թեգերը:
կարանտին, Նիկոլ Փաշինյան, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
ՀՀ–ում կորոնավիրուսով վարակված ավելի քան 1000 երեխա կա
Նախագահը պատրաստ է օգտագործել անձնական կապերը. Սարգսյանն ու Թորոսյանը հանդիպել են
Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան