ՌԴ ԶՈւ

Ռուսները կվերադառնան Կուբա և կբացեն ռազմակայա՞ն. ՄՓՀՀՎ պայմանագրի չեղարկման հակաքայլերը

96
(Թարմացված է 21:55 01.02.2019)
Փորձագետը կարծում է, որ Միջին և փոքր հեռահարության հրթիռների վերացման մասին պայմանագրից ԱՄՆ–ի դուրս գալու ռուսական պատասխանը կարող է լինել ռազմակայանի տեղակայումը Կուբայում։

ԵՐԵՎԱՆ, 1 փետրվարի — Sputnik. Միջին և կարճ հեռահարության հրթիռների վերացման մասին պայմանագրից Վաշինգտոնի դուրս գալուն հավանական պատասխան կարող է լինել այն, որ Ռուսաստանը ռազմածովային կայան տեղադրեր Կուբայում։ Այս մասին ՌԻԱ Նովոստիի հետ զրույցում հայտնել է ՌԴ ՊՆ–ին առնընթեր հանրային խորհրդի անդամ Իգոր Կորոտչենկոն։

ԱՄՆ նախագահ Դոնալդ Թրամփը ուրբաթ հայտնել էր, որ Վաշինգտոնը փետրվարի 2-ին Ռուսաստանի հետ սկսում է  Միջին և փոքր հեռահարության հրթիռների վերացման մասին պայմանագրից դուրս գալու գործընթաց։ Պետքարտուղար Մայք Պոմպեոն հայտարարեց, որ «եթե Ռուսաստանը 6 ամսվա ընթացքում չվերադառնա պայմանագրի լիարժեք և ստուգվող կատարմանը», պայմանագիրը կխզվի։

«Որպես առաջնահերթ պատասխանի միջոց պետք է ուսումնասիրել Կուբայի ղեկավարության հետ` Սյենֆուեգոսեի «Ազատության կղզում» ռուսական ռազմակայան բացելու վերաբերյալ բանակցելու հնարավորությունը։ Նախնական փուլում այն կարող է դառնալ ռազմածովային կայան, որտեղ կտեղակայվեն ռուսական դիզելային և բազմաթիրախային ատոմային սուզանավեր, որոնք հագեցած կլինեն «Կալիբր», իսկ հեռանկարում` «Կալիբր–Մ» հրթիռներով», – ասել է Կորոտչենկոն։

Փորձագետն ավելացրել է, որ ստեղծված իրավիճակում ԱՄՆ ցանկացած նոր հրթիռային համալիր Եվրոպայում տեղակայելու պարագայում առաջնային թիրախ են լինելու ռուսական հարվածի համար` ժամանակակից հրթիռային և բարձր ճշգրտությամբ զենքերի ոլորտում ՌԴ ԶՈւ–ում առկա բոլոր հնարավորությունների կիրառմամբ։

Ներկա պահին ամերիկյան ՀՀՊ  համակարգերի տարրեր են տեղակայված ԱՄՆ մայրցամաքային հատվածում, Եվրոպայում (Լեհաստանում և Ռումինիայում) և Ասիական–Խաղաղօվկիանոսյան տարածաշրջանում։ Բալիստիկ հրթիռներ որսալու ծովային միջոցները տեղակայված են Ռուսաստանի և Չինաստանի ափերի մերձակայքում:

96