Հաագա

Հաագայում տեղի ունեցած պայթյունից մահացածը հայ է

385
(Թարմացված է 17:59 31.01.2019)
Հաագայի շենքերից մեկում պայթյունի հետևանքով տեղի էր ունեցել շենքի ճակատային հատվածի փլուզում։

ԵՐԵՎԱՆ, 31 հունվարի — Sputnik. Հաագայում տեղի ունեցած պայթյունից զոհվածը ազգությամբ հայ է։ Այս մասին տեղեկացնում է Նիդեռլանդներում ՀՀ դեսպանությունը։

«Ցավով տեղեկացնում ենք, որ Հաագայում շենքի փլուզման հետևանքով զոհվածը 1996 թ.-ին ծնված ազգությամբ հայ է։ Խորապես ցավակցում ենք զոհվածի հարազատներին և բարեկամներին»,–գրված է դեսպանատան ֆեյսբուքյան էջում։

Հիշենենք, որ հունվարի 27–ին Նիդեռլանդների Հաագա քաղաքի շենքերից մեկում պայթյուն էր որոտացել, որի պատճառով տեղի էր ունեցել շենքի ճակատային հատվածի փլուզում։ Նախնական տեղեկությամբ` փլուզման պատճառը գազի արտահոսքն է։

Պայթյունի հետևանքով 10 մարդ հոսպիտալացվել էր։ Վերջին տուժածին փլատակների տակից հանել են հունվարի 28–ին։

385
Ըստ թեմայի
Թբիլիսիի պայթյունի հետևանքով տուժածների և զոհերի թվում հայեր չկան. դեսպանատուն
Հաագայում փլուզվել է 3 շենքերի ճակատային մասերը. պայթյուն է որոտացել. տեսանյութ
Մոսկովյան «Երևան Պլազայի» աշխատակիցներին տարհանել են ականապատման մասին ահազանգի պատճառով