Ալեքսանդր Լուկաշենկո

Երևանը Մինսկի հուսալի գործընկերն է. Լուկաշենկոն հայերին «եղբայրներ և ընկերներ է» անվանել

163
(Թարմացված է 13:55 21.01.2019)
Բելառուսի նախագահ Ալեքսանդր Լուկաշենկոն մեկնաբանել է Հայաստանի հետ հարաբերությունները։

ԵՐԵՎԱՆ, 21 հունվարի — Sputnik. Բելառուսի նախագահ Ալեքսանդր Լուկաշենկոն Հայաստանին հուսալի գործընկեր է համարում։ Այդ մասին նա ասել է երկուշաբթի`  ընդունելով արտասահմանյան պետությունների դեսպանների հավատարմագրերը, այդ թվում` Հայաստանի դեսպան Արմեն Ղևոնդյանինը։

«Հայաստանը եղել և մնում է Բելառուսի համար վստահելի գործընկեր։ Նրա հետ մեզ միավորում է բազմաբևեռ համագործակցություն, այդ թվում՝ առանցքային դաշինքներում՝ Եվրասիական տնտեսական միությունում և ՀԱՊԿ-ում»,– նշել է Լուկաշենկոն։ Այդ մասին ասվում է Բելառուսի նախագահի պաշտոնական կայքում։

Նա հավելել է, որ Մինսկը մտադրություն ունի ընդլայնել հայ–բելառուսական հարաբերությունների առևտրատնտեսական բաղադրիչը և պատրաստ է իր մասնակցությունը բերել ցանկացած նախագծի, այդ թվում` Հայաստանի տարածքում, որոնք «կհետաքրքրեն հայ ընկերներին և եղբայրներին։»

Հիշեցնենք, որ վերջին շրջանակում Երևանի և Մինսկի միջև տարաձայնություններ են ծագել ՀԱՊԿ գլխավոր քարտուղար նշանակելու հարցում։ ՀԱՊԿ նախկին գլխավոր քարտուղար Յուրի Խաչատուրովը ՀՀ-ում հարուցված քրեական գործի շրջանակում պաշտոնանկ է արվել նոյեմբերի սկզբին: ՀԱՊԿ գլխավոր քարտուղարի պարտականությունները ստանձնել է Խաչատուրովի տեղակալ Վալերի Սեմերիկովը։ Միաժամանակ, Բելառուսն առաջարկում է իր թեկնածուին` Անվտանգության խորհրդի քարտուղար Ստանիսլավ Զասին։ Հարցը մինչև հիմա լուծված չէ։

163
թեգերը:
Հավաքական անվտանգության պայմանագիր կազմակերպություն (ՀԱՊԿ), Հայաստան
Ըստ թեմայի
ՀԱՊԿ գլխավոր քարտուղարը պետք է նշանակվի կոնսենսուսով. Երևանի հիշեցումը Լուկաշենկոյին
Հայաստանը խորացնում է ՌԴ–ի հետ հարաբերությունը, բայց կան բնականոն տարաձայնություններ. ԱԳՆ
ՀԱՊԿ գլխավոր քարտուղարի պաշտոնակատարն ուղերձ է հղել Նիկոլ Փաշինյանին