ԵՐԵՎԱՆ, 16 հունվարի — Sputnik. Ֆրանսիայի մայրաքաղաք Փարիզում մեկնարկել է Զոհրաբ Մնացականյանի և Էլմար Մամեդյարովի հանդիպումը։ Տեղեկությունը Թվիթերի իր էջում հրապարակել է ՀՀ ԱԳՆ–ն։
16 հունվարի 2019, 12:09
«Մեկնարկել է Հայաստան'ի ԱԳ նախարարի պ/կ Մնացականյանի հանդիպումն #Ադրբեջան'ի ԱԳ նախարար Էլմար Մամեդյարովի հետ»,–գրված է հայտարարության մեջ։
Նշենք, որ Երևանի ժամով ժամը 12։00–ին սկսվել էր ՀՀ ԱԳ նախարարի պաշտոնակատար Զոհրաբ Մնացականյանի հանդիպումը ԵԱՀԿ ՄԽ համանախագահների և ԵԱՀԿ գործող նախագահի անձնական ներկայացուցչի հետ։
Հիշեցնենք, որ Զոհրաբ Մնացականյանի և Էլմար Մամեդյարովի վերջին հանդիպումը տեղի է ունեցել դեկտեմբերի 5–ին, Միլանում։ Նրանք պայմանավորվել են առաջիկայում շարունակել հանդիպումները՝ պահպանելով ձևավորված դինամիկան։
