Կոկորդիլոս

Մարմինը հազիվ են հանել երախից. Ինդոնեզիայում կոկորդիլոսը խժռել է կենսաբանին

569
(Թարմացված է 21:51 14.01.2019)
Ոստիկանությունում կարծում են, որ Մերիին հաջողվել է կանգնել հետևի թաթերին, ցատկել և բռնել կնոջը։

ԵՐԵՎԱՆ, 14 հունվարի — Sputnik. Ինդոնեզիայի Տոմոհոն քաղաքում կոկորդիլոսը ողջ–ողջ խժռել է իրեն կերակրող կենսաբան կնոջը, հաղորդում է ՌԻԱ Նովոստին։

Ողբերգությունը տեղի է ունեցել հետազոտական լաբորատորիայում, որտեղ պահել են սողունին։ Կենսաբան Դեյզի Տուվոն գնացել է ավազան` կոկորդիլոս Մերիին մսով կերակրելու։  Ավելի ուշ գործընկերները նրա դին գտել են կենդանու երախում։ Նրանք փրկարարներ են կանչել և դժվարությամբ, բայց ամեն դեպքում դուրս հանել աճյունը։

Ոստիկանությունում կարծում են, որ Մերիին հաջողվել է կանգնել հետևի թաթերին, ցատկել և բռնել կնոջը։ Կոկորդիլոսին արդեն տեղափոխել են անասնաբուժական կլինիկա, բժիշկները պետք է զննեն նրա ստամոքսի պարունակությունը։

Տուվոն եղել է լաբորատորիայի առաջատար գիտնականը։ Գործընկերները բնութագրում են նրան որպես խաղաղ  մարդու, որը շատ էր սիրում կենդանիներին։ Նա 44 տարեկան էր։

Մերին միշտ աչքի է ընկել ցեղակիցների նկատմամբ ագրեսիվ վարքով, բայց մարդկանց վրա չի հարձակվել, բացի այդ նրան միշտ լավ կերակրել են մսով և ձկով։

569
Ըստ թեմայի
Երևանյան շքամուտքում հայտնված գայլը. ժամանա՞կը չէ պատիժ սահմանել մարդու համար
Երևանի կենդանաբանական այգու էկզոտիկ բնակիչները. լուսանկարներ
Աշնան գույներն՝ ըստ մանուկների. կայացավ ևս մեկ գունագեղ միջոցառում