Փաշինյանը բավարարված է, Լուկաշենկոն` ոչ. խոսակցությունները չեն դադարում
(Թարմացված է 17:00 19.12.2018)
ՀՀ վարչապետի պաշտոնակատար Նիկոլ Փաշինյանն այսօր դարձյալ մեկնաբանել է Բելառուսի նախագահի վերջին հայտարարությունները։ԵՐԵՎԱՆ, 19 դեկտեմբերի — Sputnik. Ես բավարարված եմ այդ խոսակցությունից ու ասվածին ավելացնելու ոչինչ չունեմ։ Այսօր, Դիլիջանում, լրագրողների հետ զրույցում, անդրադառնալով Բելառուսի նախագահ Ալեքսանդր Լուկաշենկոյի հետ զրույցին ու դրան հետևած հայտարարություններին, ասել է ՀՀ վարչապետի պաշտոնակատար Նիկոլ Փաշինյանը։
«Պարոն Լուկաշենկոն ասում է` ես այսպես ասացի, այսպես ասացի, բայց չի ասում, թե ես ինչ ասացի։ Դեկտեմբերի յոթին, երբ վերադարձել եմ, լրագրողներն ինձ հարցրել են` եղե՞լ է խոսակցություն։ Ես ասել եմ` եղել է, բայց կոռեկտ չեմ համարել բացահայտել դռնփակ նիստում տեղի ունեցած խոսակցությունները։ Բայց վերջում ես նշել եմ, որ բավարարված եմ այդ խոսակցությունից։ Հիմա էլ եմ պնդում, որ բավարարված եմ ու այն շարունակելու անհրաժեշտություն չեմ տեսնում։ Եթե կան մարդիկ, ովքեր այդ խոսակցությունից բավարարված չեն, պետք է դեռ երկար դրա մասին խոսեն»,– ասել է Փաշինյանը։
Ինչ վերաբերում է Լուկաշենկոյի հիշատակած զենքի վաճառքի խնդրին, վարչապետի պաշտոնակատարը հայտարարեց, որ պարբերաբար ՌԴ նախագահի հետ հանդիպումներում այդ խնդիրը բարձրացրել է։
«Ես ձեզ հավատացնում եմ, որ պարոն Լուկաշենկոյի բարձրացրած բոլոր հարցերին տրվել են սպառիչ պատասխաններ, և ես անկեղծ ասած տպավորություն ունեի, թե պարոն Լուկաշենկոն բավարարված է այդ պատասխաններից, և իմ կարծիքով` բոլոր ներկաներն այդպիսի տպավորություն ունեին։ Թե հետո ինչ է փոխվել, չեմ կարող ասել»,– ասաց Փաշինյանը։
Հիշեցնենք, որ նոյեմբերի 16-ին ՀՀ վարչապետի պաշտոնակատար Նիկոլ Փաշինյանը հայտարարել էր, որ մտադիր է բացատրություն պահանջել Բելառուսի նախագահ` Ալեքսանդր Լուկաշենկոյից և Ղազախստանի նախագահ` Նուրսուլթան Նազարբաևից` ՀԱՊԿ–ի գլխավոր քարտուղարի վերաբերյալ նրանց արտահայտությունների համար։ Բանն այն է, որ Լուկաշենկոն ավելի վաղ Ադրբեջանի դեսպան Լատիֆ Գանդիլովին բացահայտել էր Աստանայում նոյեմբերի 8-ին տեղի ունեցած փակ քննարկման մանրամասները, իսկ Նազարբաևը ՀԱՊԿ–ի գագաթնաժողովի արդյունքներով ասել էր, որ գլխավոր քարտուղարի պաշտոնը պետք է զբաղեցնի Բելառուսի ներկայացուցիչը։
Դեկտեմբերի 6-ին Եվրասիական տնտեսական բարձրագույն խորհրդի նիստից հետո Բելառուսի նախագահ Ալեքսանդր Լուկաշենկոն լրագրողներին հայտարարեց, որ կողմերին հաջողվել է պայմանավորվածություն ձեռք բերել ՀԱՊԿ գլխավոր քարտուղարի նշանակման մեխանիզմի վերաբերյալ, այն կարող է լինել «Բելառուսի ներկայացուցիչը»։ Sputnik Արմենիային տված հարցազրույցում Նիկոլ Փաշինյանի մամուլի քարտուղար Արման Եղոյանը հերքել է Բելառուսի առաջնորդի խոսքերը, ասելով, որ գլխավոր քարտուղարի հարցը լուծված չէ։ Նրանից հետո նմանատիպ մեկնաբանություն արեց նաև Կրեմլի պաշտոնական ներկայացուցիչ Դմիտրի Պեսկովը։
Հիշեցնենք նաև, որ ՀԱՊԿ գլխավոր քարտուղարի պաշտոնը թափուր էր մնացել Հայաստանի ներկայացուցիչ Յուրի Խաչատուրովի հետկանչից հետո։
Հայրենիքում նրա նկատմամբ քրեական գործ է հարուցվել։ Խաչատուրովը մեղադրվում է 2008 թվականի մարտի 1-ի հետընտրական իրադարձությունների ժամանակ սահմանադրական կարգը տապալելու մեջ։
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Հարավկովկասյան երկաթուղին շահագործման է հանձնել 70 նոր կիսավագոններ
(Թարմացված է 11:42 05.03.2021)
«Հարավկովկասյան երկաթուղի» ընկերություն2021-2024 թթ. նախատեսվում է ամբողջովին նորացնել բեռնատար կիսավագոնների պարկը:ԵՐԵՎԱՆ, 5 մարտի - Sputnik. ՀԿԵ-ն շահագործման է հանձնել 70 նոր կիսավագոններ։ Տեղեկությունը հայտնում է ընկերության մամուլի ծառայությունը։
©
Sputnik / Кирилл Каллиников
Նշվում է, որ 2020 թվականին «Հարավկովկասյան երկաթուղի» ընկերությունը գնել է «Ուրալվագոնզավոդ» ձեռնարկության արտադրության 70 նոր կիսավագոններ: Վագոնները Հայաստան են բերվել 2020 թվականի հոկտեմբերին՝ Կավկազ նավահանգիստ – Փոթի նավահանգիստ երկաթուղային լաստանավային երթուղով:
«Այս տարվա փետրվարին 29 նոր կիսավագոններ արդեն սկսել են սպասարկել Երևանից Փոթի իրականացվող պղնձի խտանյութի արտահանման փոխադրումները: Առաջին բեռնումն իրականացվել է 2021 թվականի փետրվարի 24-ին»,–նշվում է հաղորդագրության մեջ:
Ընկերությունից հավելում են, որ Հարավկովկասյան երկաթուղու շարժակազմի թարմացման գործընթացը շարունակական բնույթ է կրում:
Արտակարգ դրությունն ազդել է նաև երկաթուղու աշխատանքի վրա. ինչ պետք է անեն ՀԿԵ-ում
2021 թվականի ընթացքում այն զարգացման նոր խթան կստանա, իսկ 2021-2024 թթ. նախատեսվում է ամբողջովին նորացնել բեռնատար կիսավագոնների պարկը:
Հիշեցնենք` ՀԿԵ ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
ՀԿԵ–ն Երևանում ջերմային էլեկտրակայանի կառուցման համար խոշոր ծավալի բեռներ է փոխադրել