Անգելա Մերկել. Նիկոլ Փաշինյան

Անգելա Մերկելը շնորհավորել է Նիկոլ Փաշինյանին և ցանկություն հայտնել կրկին հանդիպելու

364
Գերմանիայի կանցլերն աջակցություն է հայտնել Հայաստանի Հանրապետությունում բարեփոխումների իրականացմանը։

ԵՐԵՎԱՆ, 11 դեկտեմբերի — Sputnik. Գերմանիայի Դաշնային Հանրապետության կանցլեր Անգելա Մերկելը շնորհավորել է ՀՀ վարչապետի պաշտոնակատար Նիկոլ Փաշինյանին: Այս մասին տեղեկացնում է կանցլերի պաշտոնական կայքէջը։

«Գերմանիայի Դաշնային Հանրապետությունը մեծ հետաքրքրությամբ հետևել է այս տարի Հայաստանի Հանրապետությունում տեղի ունեցած խաղաղ իշխանափոխությանը։ Մենք ցանկանում ենք այսուհետ ևս մեր աջակցությունը հայտնել Հայաստանի Հանրապետությունում բարեփոխումների իրականացմանը և վերահաստատել Երևան կատարած իմ այցի շրջանակներում ձեռք բերված համաձայնությունը՝ մեր հարաբերությունների խորացման վերաբերյալ»,–գրել է Մերկելը։

Գերմանիայի կանցլերը նշել է, որ ուրախ կլիներ մոտ ապագայում կրկին հանդիպել Նիկոլ Փաշինյանի հետ։

Հիշեցնենք, որ Անգելա Մերկելն այս տարվա օգոստոս ամսին Հարավային Կովկաս կատարած շրջագայության շրջանակում Հայաստան էր այցելել Վրաստանից, այնուհետև մեկնել էր Բաքու։

364
թեգերը:
Նիկոլ Փաշինյան, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2018 (357)
Ըստ թեմայի
Կիսաընդդիմություն. ո՞վ կլինի Փաշինյանի օպոնենտը
«Գեներալ-գուբերնատորը», մարզպետն ու նախկին քաղաքապետը. ովքե՞ր են Գյումրվա ռեյտինգայինները
Ո՞վ ինչ պաշտոն կստանա. Վանեցյանին կհանե՞ն ԱԱԾ տնօրենի պաշտոնից. «Ժամանակ»