CNN

CNN–ի աշխատակիցներին տարհանել են` ռումբի առկայության մասին հեռախոսազանգի պատճառով

99
CNN–ի ուղիղ եթերով հեռարձակվող շոուն ընդահտվել է՝ ռումբի առկայության մասին հեռախոսազանգի պատճառով:

ԵՐԵՎԱՆ, 7 դեկտեմբերի — Sputnik. Նյու Յորքի ոստիկանությունը տարհանել է CNN–ի Time Warner Center գրասենյակի աշխատակիցներին՝ ռումբի առկայության մասին հեռախոսազանգի պատճառով: Այս մասին Twitter–ի իր էջում գրել է լրագրող և մեկնաբան Դոն Լեմոնը։

Նրա փոխանցմամբ՝ անհայտ անձը զանգահարել է ու ասել, որ հեռուստաընկերության շենքում հինգ պայթուցիկ սարք կա:

«Մեզ տարհանեցին ուղիղ եթերով հեռարձակվող իմ շոուի հենց սկզբից»,–գրել է նա։

Դեպքի վայր են ժամանել սակրավորներ, հրշեջ բրիգադներ, իրավապահներ, որոնք միառժամանակ փակել են 58-րդ պողոտան ու հարակից փողոցները:

ԱՄՆ նախագահ Դոնալդ Թրամփը, որը պարբերաբար CNN-ին քննադատում է իր մասին «կեղծ լուրերի» տարածման համար, տարհանումից հետո Twitter–ի իր էջում գրել է. «Կեղծ լրատվամիջոցներն ազգի թշնամին են»:

Հեռուստաալիքի նյույորքյան գրասենյակի աշխատանքը վերսկսվել է երկու ժամ անց:

99
թեգերը:
Ամերիկայի Միացյալ Նահանգներ
թեմա:
Վթարներ, պատահարներ, սպանություններ (622)
Ըստ թեմայի
Ռումբի կեղծ ահազանգի հեղինակի ինքնությունը պարզ է
Ռումբի մասին ահազանգ «Սիլաչի» հյուրանոցում. փրկարարները դեպքի վայրում են
Երևանի դպրոցներից մեկում ռումբի մասին ահազանգը կեղծ է եղել. ոստիկանություն