ԵՐԵՎԱՆ, 16 նոյեմբերի — Sputnik. Ղրիմի հարցով ՄԱԿ–ի հակառուսական բանաձևին Հայաստանը դեմ է քվեարկել։ Ավելի վաղ ՄԱԿ-ի ԳՎ երրորդ կոմիտեն ընդունել էր Ղրիմի հարցով Ուկրաինայի բանաձևի նորացված տարբերակը, որը նվիրված էր «թերակղզում մարդու իրավունքների հետ կապված իրավիճակին»։
Փաստաթղթին աջակցել են 67 երկիր, 26 պետություն դեմ են եղել, ևս 82–ը ձեռնպահ են մնացել։ Մասնավորապես` դեմ են քվեարկել Հայաստանը, Ռուսաստանը, Բելառուսը, Բոլիվիան, Բուրունդին, Չինաստանը, Կուբան, ԿԺԴՀ–ն, Հնդկաստանը, Իրանը, Սերբիան, Ուզբեկստանն ու մի շարք այլ պետություններ։
Այս տարի ձեռնպահ մնացածներ երկրների թիվն ավելի մեծ է` 82։ Նախորդ երկու անգամ (2016 ու 2017 թվականներին) կողմ էին քվեարկել 70 պետություն, դեմ` 26, իսկ ձեռնպահ էին մնացել համապատասխանաբար 77 ու 76 երկիր։ Ավանդաբար նախաձեռնության կողմնակիցներին թվում են եվրոպական երկրների մեծ մասն ու ԱՄՆ–ն։
Ղրիմը ռուսական տարածաշրջան է դարձել 2014 թվականին հանրաքվեի արդյունքում, որի ժամանակ Ղրիմի հանրապետության ընտրողների 96,77%–ն ու Սևաստոպոլի բնակիչների 95,6%-ը կողմ էին քվեարկել Ռուսաստանի կազմ մտնելուն։ Ղրիմի իշխանությունները հանրաքվե էին անցկացրել 2014 թվականին Ուկրաինայում տեղի ունեցած պետական հեղաշրջումից հետո։
