ԵՐԵՎԱՆ, 26 սեպտեմբերի — Sputnik. Քլեմենթսների սովորական ընտանիքը, որտեղ ապրում են երկվորյակներ Լեան և Ավան, ճանաչում է ձեռք բերել իրենց երեխաների աստվածային գեղեցկության շնորհիվ։
Ավա Մարին և Լեա Ռոուզը ծնվել են 2010 թվականի հուլիսի 7-ին։ Աղջիկներն ավագ եղբայր ունեն, նրա անունը Չեյզ է։ Մի անգամ գեղեցկուհիների մայրը որոշել էր աղջիկների լուսանկարը մոդելային գործակալություն ուղարկել։ Այն ժամանակ նրանք հազիվ 6 ամսական էին։
Այդ պահից ի վեր երիտասարդ մոդելները հասցրել են նկարահանվել մի շարք գովազդային տեսահոլովակներում և դառնալ համացանցի ամենահայտնի երկվորյակները։
Վերջին տարիներին հանրությունը նրանց «Աշխարհի ամենագեղեցիկ երկվորյակներ» կոչումն է շնորհել։ Աղջիկներից հետ չի մնում նաև նրանց եղբայրը` Չեյզը։ Քլեմենթսների ընտանիքի բոլոր անդամների աստվածային գեղեցկությունն արդեն կատակների առիթ է տվել, օգտատերերից շատերը ծնողներին կոչ են անում հնարավորինս շատ երեխաներ լույս աշխարհ բերել, որպեսզի մոդելային բիզնեսում մրցակցությունը բարգավաճի։
Բացի այդ պատանի հրեշտակները ռեկորդներ են գրանցում սոցցանցերում. քույրերն Instagram–ում ավելի քան 700 հազար բաժանորդ ունեն։
Աղջիկների երկրպագուները նրանց յուրաքանչյուր գրառում մի շարք «լայքերի» և հաճոյախոսական մեկնաբանությունների են արժանացնում։ Մյուսները Լեային և Ավային խնդրում են կինոյում նկարահանվել` Մերի–Քեյթից և Էշլի Օլսենից ավելի հզոր հաջողություն կանխագուշակելով նրանց համար։
