ԵՐԵՎԱՆ, 5 սեպտեմբերի — Sputnik. Սքոտլանդ Յարդի ոստիկանության կենտրոնակայանը հրապարակել է Սկրիպալներին թունավորելու մեջ մեղադրվողների լուսանկարները։
Ոստիկանության կայքում տեղադրված են երկու չսափրված տղամարդկանց լուսանկարներ, որոնք կրում են վերնաշապիկներ և մուգ վերնահագուստ։ Լուսանկարների տակ գրված է Ալեքսանդր Պետրով և Ռուսլան Բոշիրով։
Հատուկ ծառայությունները հրապարակել են նաև անոթի լուսանկարները, որում պահվել է «Նովիչոկը»։ Դա եղել է Nina Ricci օծանելիքի սրվակ։
First images of the two #Novichok suspects, both 40 yo Russian nationals who traveled on Russian passports with aliases Alexander Petrov and Ruslan Boshirov. Police thing anyone with info on them to come forward. This is the fake Nina Ricci perfume bottle they used for attack. pic.twitter.com/oi23VhSDho
— Vincent McAviney (@VinnyMcAv) September 5, 2018
Ավելի վաղ Մեծ Բրիտանիայի դատախազությունը հայտարարել էր, որ տվյալներ ունի երկու ռուսաստանցիների մասին, որոնց կասկածում են Սկրիպալներին թունավորելու մեջ։
Մարտի 4–ին Սոլսբերիում թունավորել էին Բրիտանիայի հատուկ ծառայությունների համար աշխատող ռուսական հետախուզական վարչության նախկին գնդապետ Սերգեյ Սկրիպալին և նրա դստերը` Յուլյային։ Լոնդոնում պնդում են, որ Սրիպալին A234 նյարդապարալիտիկ նյութով թունավորելու գործին մասնակցել է Ռուսաստանը, մինչդեռ Ռուսաստանը կտրականապես հերքում է այդ մեղադրանքը` հիշեցնելով, որ Սոլսբերիի մոտակայքում է գտնվում Մեծ Բրիտանիայի պաշտպանության նախարարության քիմիական լաբորատորիան։
