ԵՐԵՎԱՆ, 2 սեպտեմբերի –Sputnik. Իտալիայում հանգստանալուց հետո ամուսնական զույգը մտադիր էր իր հետ ավտոմեքենայով որպես հուշանվեր լողափից 30 կգ քար տուն տանել։ Այս մասին հայտնում է ՌԻԱ Նովոստին։
Նշվում է, որ զույգն ուզում էր լքել Սարդինիան՝ տանելով իր հետ հուշանվերը, սակայն ոստիկանությունը նրանց կանգնեցրել է Օլբիայի նավահանգստում։ Զբոսաշրջիկներին դուրս են բերել լաստանավից, և առգրավվել են պլաստիկ տոպրակների մեջ փաթեթավորած և ավտոմեքենայի նստատեղերի արանքում դասավորած «գողացած» քարերը։
Զբոսաշրջիկներին տուգանեցին 900 եվրոյի չափով։ Քարերը լողափ կվերադարձնեն։
