ԱՊՀ ռազմական գերատեսչությունները հավանության են արժանացրել միացյալ ՀՕՊ համակարգերի ծրագիրը
(Թարմացված է 22:20 14.08.2018)
Կոորդինացիոն կոմիտեն մեծ ուշադրություն է դարձնում միացյալ ՀՕՊ համակարգերի շրջանակներում ռազմատեխնիկական համագործակցության հարցերին։ԵՐԵՎԱՆ, 14 օգոստոսի — Sputnik. 2019 թվականի ԱՊՀ մասնակից պետությունների միացյալ ՀՕՊ համակարգերի համատեղ միջոցառումների անցկացման ծրագիրը հավանության է արժանացել Մինսկում տեղի ունեցած նիստի ժամանակ։ Այս մասին հայտնում է ՌԻԱ Նովոստին` հղում անելով գլխավոր շտաբի պետ` Ռուսաստանի ԶՈւ ՕՏՈՒ գլխավոր հրամանատարի առաջին տեղակալ Վիկտոր Աֆզալովին։
©
Sputnik / Сергей Мальгавко
Աֆզալովը նշել է, որ ԱՊՀ երկրների պաշտպանության նախարարների խորհրդին կից ՀՕՊ հարցերով կոորդինացիոն կոմիտեի նիստի մասնակիցները միացյալ ՀՕՊ համակարգերի զարգացմանն ու կատարելագործմանը, ինչպես նաև երկկողմանի և բազմակողմանի ռազմական համագործակցության ամրապնդմանը վերաբերող 10 հարց են ուսումնասիրել։
Կողմերը հավանության են արժանացրել մասնակից երկրների միացյալ համակարգի ուժերի կողմից ՀՕՊ կառավարման մարմինների և հերթապահների մարզումներն անցկացնելու մասին առաջարկը։
Աֆզալովը նաև նշել է, որ կոորդինացիոն կոմիտեն մեծ ուշադրություն է դարձնում միացյալ ՀՕՊ համակարգերի շրջանակներում ռազմատեխնիկական համագործակցության հարցերին։
«Դրանցից հիմնականները կարելի է համարել պահեստամասերի և ՀՕՊ գույքի, տեխնիկայի մատակարարումը Հայաստան և Բելառուս, ինչպես նաև ՀՕՊ զորքերի և Ուզբեկստանի ՌՕՈւ հրամանատարային կետերի համար կապի հեռանկարային միջոցների մատակարարումը», – ասել է նա։
Նիստի ընթացքում նաև ամփոփվել են կոմիտեի և նրա գործող մարմինների 2018 թվականի առաջին կիսամյակի գործունեության արդյունքները և որոշվել երկրորդ կիսամյակի անելիքները։
Բացի այդ, մասնակիցներն ուսումնասիրել են ԱՊՀ պետությունների միացյալ ՀՕՊ համակարգերի զարգացման համար դրամական հատկացումներին վերաբերող ֆինանսական հարցերի բլոկը։
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
(Թարմացված է 10:37 03.03.2021)
Ռուսաստանի հայերի միությունն ամեն ինչ անում է հայ երիտասարդի ողբերգական մահից հետո սադրանքներից խուսափելու համար:ԵՐԵՎԱՆ, 3 մարտի - Sputnik. Կրասնոդարի երկրամասի Բելորեչենսկ քաղաքում տեղի ունեցած ողբերգական դեպքից հետո Ռուսաստանի հայերի միության նախագահ Արա Աբրահամյանը Կրասնոդարի երկրամաս է ուղարկել իր առաջին տեղակալ Լուսիկ Ղուկասյանին:
©
Sputnik / Николай Хижняк
Ինչպես հաղորդում է կազմակերպությունը, Ղուկասյանը հանդիպումներ կունենա տեղական իշխանության ներկայացուցիչների, ՌՀՄ տեղական բաժանմունքների ղեկավարների և երիտասարդական կազմակերպությունների հետ, որպեսզի քայլեր ձեռնարկեն սադրանքներ թույլ չտալու ուղղությամբ։
«Բացասական հետևանքներից խուսափելու և իրավիճակը չսրելու համար ՌՀՄ-ն համայնքի ներկայացուցիչներին խնդրում է չարձագանքել զգացմունքային, երբեմն սադրիչ կոչերին և հանգստություն պահպանել», - նշված է հաղորդագրության մեջ:
Ռուսաստանի հայերի միությունը միջոցներ է ձեռնարկում հասարակական վերահսկողություն ապահովելու ուղղությամբ, քանի դեռ օպերատիվ միջոցառումներ են իրականացվում մարդասպանին բռնելու ուղղությամբ։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Ռուսաստանի հայերի միությունը կարծում է, որ եթե հանցագործը հայտնվի Ադրբեջանում, ապա պետք է վերադարձվի Ռուսաստան և կանգնի դատարանի առաջ:
«Մենք հույս ունենք, որ հանցագործն առաջիկայում կհայտնաբերվի և պատիժ կկրի ռուսական օրենսդրությանը համապատասխան», - հայտարարել են ՌՀՄ-ում:
Հիշեցնենք, որ փետրվար 28-ին Բելորեչենսկում ծեծկռտուքի հետևանքով սպանվել է 22-ամյա Արթուր Սարուխանովը։ Նախնական տեղեկություններով` սպանողն ադրբեջանցի է, որի նկատմամբ հետախուզում է հայտարարվել։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Իլոն Մասկը որոշել է նոր քաղաք կառուցել Տեխասում. քաղաքապետը դոժի տիտղոս կունենա
(Թարմացված է 10:18 03.03.2021)
Ամերիկացի միլիարդատերը դեռ անցյալ տարվա վերջին Կալիֆոռնիայից տեղափոխվել էր Տեխաս, որտեղ գտնվում են «Tesla»-ի ստորաբաժանումները։ԵՐԵՎԱՆ, 3 մարտի – Sputnik. Ամերիկացի գործարար, «Tesla» և «SpaceX» ընկերությունների հիմնադիր Իլոն Մասկը Ստարբեյզ (Starbase) անվանումով քաղաք է կառուցելու Տեխասում։ Նա իր որոշման մասին գրել է Twitter-ում։
Creating the city of Starbase, Texas
— Elon Musk (@elonmusk) March 2, 2021
Գործարարը նշել է, որ քաղաքն ավելի մեծ կլինի, քան Բոկա Չիկա գյուղը, որտեղ գտնվում է «SpaceX» տիեզերակայանը:
Միլիարդատիրոջ խոսքով՝ իր ստեղծած քաղաքում լավ վերաբերմունքի կարժանանան շները, իսկ քաղաքապետը դոժի տիտղոս կունենա (իտալական տիտղոս, որը նման է անգլերեն «dog» (շուն) բառին):
Իլոն Մասկը խոստացել է ինքնակառավարվող մեքենաներ թողարկել ու ասել է դրանց գինը
Հիշեցնենք, որ անցյալ տարվա վերջին Մասկը հայտնել էր, որ Կալիֆոռնիայից տեղափոխվել է Տեխաս, որտեղ գտնվում են «Tesla»-ի և «Boring Company»-ի ստորաբաժանումները, ինչպես նաև «SpaceX» մասնավոր տիեզերակայանը։
Իլոն Մասկը չիպավորել է կապիկին. կենդանին համակարգչային խաղեր է խաղում
թեգերը:
Մեկնարկել է Հայրենիքի փրկության շարժման ղեկավարների հանդիպումը նախագահի հետ
ԵՐԵՎԱՆ, 3 մարտի - Sputnik. Հայրենիքի փրկության շարժման պատվիրակությունն այս պահին հանդիպում է ՀՀ նախագահ Արմեն Սարգսյանի հետ։ Տեղեկությունը հայտնում է «Փաստինֆոն»։
Նախագահի հետ հանդիպմանը մասնակցում են «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։
«Հիմա գնում ենք նախագահի հետ հանդիպման, որից հետո պարզ կլինի նախագահի դիրքորոշումը, ինչու է այն փոխվել, և կպատասխանեմ ձեր հարցերին»,-հանդիպումից առաջ «Փաստինֆո»-ի թղթակցին ասել է «Հայրենիք» կուսակցության նախագահ Արթուր Վանցյանը