ԵՐԵՎԱՆ, 6 օգոստոսի — Sputnik. Հզոր երկրաշարժ է տեղի ունեցել Ինդոնեզիայում։
Ինչպես տեղեկացնում է ՀՀ ԱԻՆ մամուլի ծառայությունը, օգոստոսի 5-ին, տեղական ժամանակով ժամը 15:46-ին ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հարավային լայնության 8.270 և արևելյան երկայնության 116.460 աշխարհագրական կոորդինատներով (Ինդոնեզիա, Մատարամ քաղաքից 52 կմ հյուսիս-արևելք), օջախի 10 կմ խորությամբ, 6.9 մագնիտուդով երկրաշարժ:
Ստորգետնյա ցնցման ուժգնությունը էպիկենտրոնում կազմել է 9-10 բալ:
Նախնական տվյալներով` երկրաշարժի հետևանքով կա 142 զոհ և 200-ից ավելի վիրավոր:
Հիշեցնենք, որ հուլիսի 29–ին Ինդոնեզիայում կրկին ուժեղ երկրաշարժ էր գրանցվել։
