Սարո Արմենյան

Ամերիկահայ բժիշկ Արմենյանի թիմը քաղցկեղը հաղթահարած մարդկանց համար սարք է մշակել․ բացառիկ

311
(Թարմացված է 12:19 29.07.2018)
Ճառագայթային կամ քիմիոթերապիա անցած մարդկանց մոտ սրտի մկանի աշխատանքը կարող է խափանվել։ Հայի մշակած սարքը հետևում է դրան։

ԵՐԵՎԱՆ, 29 հուլիսի — Sputnik. Ամերիկացի գիտնականները  արտի աշխատանքի արագ ախտորոշման համար սարք են մշակել։ Գիտնականների խմբի անդամ Սարո Արմենյանը Sputnik Արմենիայի թղթակցի հետ զրույցում հայտնեց, որ սարքը նախատեսված է սրտանոթային հիվանդությունների ախտորոշման համար։

Առաջին հերթին խոսքը  սրտից (սրտի ձախ փորոքից) դեպի աորտա արյան արտանետման մասին է (արտանետման ֆրակցիաներ)։ Հիվանդությունն առաջանում է սրտի մկանի աշխատանքի խաթարման հետևանքով։

Այդ հիվանդության ռիսկային գոտում են ճառագայթային կամ քիմիոթերապիա անցած մարդիկ։ Ժամանակին գիտնականները նրանց համար ախտորոշիչ սարքի նախատիպ են մշակել ու անվանել են այն Vivio։

Vivio-ն փոքր սարք է, որը կրում են պարանոցի վրա՝ երակազարկի մոտ, քներակի վրա։ Այնտեղից սարքը սրտի աշխատանքի վերաբերյալ տվյալներ է ստանում։ Տվյալները միանգամից փոխանցվում են պլանշետին կամ սմարթֆոնին, իսկ այնտեղից՝ սրտաբանին։ Նախատիպն արդեն փորձարկվել է 200 մարդու վրա, որոնք բուժում են անցել վերջին տասը տարիների ընթացում, մանուկ հասակում։ Փորձարկումների առաջին փուլի արդյունքները մի քանի օր առաջ հրապարակվել են Clinical Cancer Research հեղինակավոր գիտական ամսագրում։ Արմենյանը նշեց, որ սարքը կարող են կիրառել ինչպես մեծերն, այնպես էլ փոքրերը։

Սարքին ուզում են «սովորեցնել» հետևել նաև սրտի այլ հիվանդություններին։

«Նա դեռ ամենալավը ախտորոշում է արտանետման խախտումներ`անկախ հիվանդության ծագումից։ Այսինքն՝ կարևոր չէ, այն թերապիայից է հայտնվել, թե  այլ պատճառով։ Սարքը կողմնակի ազդեցություններ չունի։ Այն ոչ մի կերպ չի ազդում օրգանիզմի վրա, պարզապես զարկերի միջոցով հետևում է սրտի աշխատանքին», — ավելացրեց Արմենյանը։

Արմենյանը գլխավորում է Կալիֆոռնիայում City of Hope («Հույսի քաղաք») գիտաբժշկական համալիրին կից Մանկական քաղցկեղը հաղթահարած մարդկանց աջակցության  կլինիկան (Childhood Cancer Survivorship Clinic)։

311
թեգերը:
Ամերիկայի Միացյալ Նահանգներ
Ըստ թեմայի
Ապշեցուցիչ վիճակագրություն. Հայաստանում աճում է քաղցկեղով հիվանդների թիվը
Առողջապահության նախարարությունը հիվանդների խնայողությունների հաշվին արևային կայաններ կտեղադրի
Հայ բժիշկներին կպաշտպանեն հիվանդների հարձակումներից. դրա համար պատիժ է հասնում
Բադալյան. «Քաղցկեղով հիվանդների թիվը կանանց մեջ բավականին մեծ է»
Նուբարաշենի հոգեբուժարանի բժիշկները շոշափելի գումար են պահանջում հիվանդների հարազատներից
Իվան Սաֆրոնով

Մոսկվայում պետական դավաճանության կասկածանքով «Ռոսկոսմոսի» պաշտոնյա է ձերբակալվել

14
(Թարմացված է 12:36 07.07.2020)
Համացանցում տեսանյութ է հայտնվել «Ռոսկոսմոսի» ղեկավարի տեղեկատվական քաղաքականության գծով խորհրդական Իվան Սաֆրոնովի ձերբակալությունից։

ԵՐԵՎԱՆ, 7 հուլիսի –Sputnik. Մոսկվայում ձերբակալել են «Ռոսկոսմոս» կորպորացիայի խորհրդական Իվան Սաֆրոնովին։ Տեղեկությունը հաստատել են կորպորացիայից։

«Այսօր քննչական մարմինները ձերբակալել են «Ռոսկոսմոս» պետական կորպորացիայի գլխավոր տնօրենի խորհրդական Ի.Ի. Սաֆրոնովին», – գրված է կորպորացիայի հաղորդագրության մեջ։

Սաֆրոնովին մեղադրանք է առաջադրվել ՌԴ ՔՕ–ի 275–րդ հոդվածով։ Ներկա պահին քննչական միջոցառումներ են անցկացվում։

«Ռոսկոսմոս» պետական կորպորացիան ամեն կերպ աջակցում է քննչական մարմիններին։ Նշվում է, որ կորպորացիայի աշխատակցի ձերբակալությունն ընկերությունում նրա ընթացիկ աշխատանքի հետ որևէ առնչություն չունի։ LIFE SHOT տելեգրամ ալիքը դեռ մինչև պաշտոնական հաստատումն էր Սաֆրոնովի ձերբակալության տեսանյութը տարածել։

Ընկերությունում խորհրդականի պաշտոնը նա զբաղեցնում է ընդամենը մի քանի ամիս։ Պարտականությունների մեջ էր մտնում պետական կորպորացիայի և նրա կազմում գործող ձեռնարկությունների ներսում տեղեկատվական քաղաքականության կառուցումը։ Բացի այդ, Սաֆրոնովը մի քանի հատուկ ծրագրեր էր համակարգում։

Միևնույն ժամանակ, ВЧК-ОГПУ տելեգրամ ալիքի տվյալներով` Սաֆրոնովն ավելի վաղ «Կոմերսանտ» թերթի լրագրող է եղել։

Նրան այնտեղ ազատել էին աշխատանքից Դաշնային խորհրդի խոսնակ Վալենտինա Մատվիենկոյի հավանական հրաժարականի մասին հոդվածից հետո։

Ինքը` լրագրողը, պնդում էր, որ տեղեկատվության աղբյուրը բարձրաստիճան և վստահելի անձ է։

14
Քիմ Քարդաշյան. արխիվային լուսանկար

Դրամական միջոցների հանգանակություն. Քիմ Քարդաշյանը որոշել է օգնել Հայաստանի փոքր բիզնեսին

50
(Թարմացված է 11:52 07.07.2020)
Ամերիկահայ հեռուստաաստղ Քիմ Քարդաշյանը նշել է, որ կորոնավիրուսի հետ կապված իրավիճակի պատճառով Հայաստանում բազմաթիվ փոքր ձեռնարկություններ ստիպված են կրճատել արտադրությունն ու աշխատանքից ազատել աշխատակիցներին։

ԵՐԵՎԱՆ, 7 հուլիսի –Sputnik. Հայտնի ամերիկահայ հեռուստաաստղ Քիմ Քարդաշյանը գումար է հավաքում «Հայաստանի աջակցության հիմնադրամ» հարթակի միջոցով` օգնելու համար կորոնավիրուսի համավարակից տուժած միկրոձեռնարկություններին։

««Հայաստանի աջակցության հիմնադրամը» դրամական միջոցների հավաքագրում է սկսել։ Նպատակը Հայաստանի փոքր բիզնեսին աջակցելն ու COVID-19–ի հետևանքների դեմ պայքարն է», –Facebook–ի իր պաշտոնական էջում հայտնել է Քարդաշյանը։

Նա նշել է, որ ֆինանսների բացակայության պատճառով մի շարք փոքր ընտանեկան ձեռնարկություններ ստիպված են արտադրությունը կրճատել մինչև 90%, ինչպես նաև աշխատանքից ազատել աշխատակիցներին։

«Մասնակցեք Հայաստանի աջակցության հիմնադրամի հանգանակությանն ու սատարեք բիզնեսին», – հավելել է Քարդաշյանը։

Նշենք, որ Քարդաշյանը բազմիցս է նշել Հայաստանին օգնելու իր մտադրության մասին։ Անցած տարի նա այցելել է պատմական հայրենիք, որտեղ ելույթ է ունեցել երկրում առաջին անգամ կայացած WCIT–ի (ՏՏ համաշխարհային կոնգրես) ժամանակ։

«Այդ ժամանակ հայերը կդառնան թիվ 1 ազգը»․ Քանյեն կատակո՞ւմ է նախագահի թեկնածության հարցում

50
թեգերը:
Փոքր և միջին ձեռնարկություն (ՓՄՁ), բիզնես, կորոնավիրուս, Հայաստան, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան
Ըստ թեմայի
Քիմ Քարդաշյանը Գառնիում արված լուսանկարով շնորհավորել է ավագ դստեր` Նորթի ծննդյան օրը
Քիմ Քարդաշյանի ամուսինը «Արարատ» անվանումով կոշիկ է արտադրել. լուսանկար
Ժամանակն է, որ իրականություն դարձնենք ԱՄՆ–ի հույսերը. Քիմի ամուսինը ձեռնոց կնետի Թրամփին
Անդրեյ Պյատախին

«Դա վատ նշան է». Beeline–ի տնօրենն ասաց` տեղական շուկայում աշխատելն օրեցօր դժվարանում է

0
(Թարմացված է 13:05 07.07.2020)
Beeline ապրանքանիշի սեփականատեր «Վեոն Արմենիա» ընկերության գլխավոր տնօրեն Անդրեյ Պյատախինը Sputnik Արմենիային պատմել է, թե ինչու են վատ ընկերության գործերը հայաստանյան շուկայում:

ԵՐԵՎԱՆ, 7 հուլիսի –Sputnik. Beeline–ը հայաստանյան շուկայում աշխատում է շահույթով, որը, սակայն, անընդհատ նվազում է: Այս մասին այսօր Sputnik Արմենիայի հետ զրույցում հայտնեց Beeline ապրանքանիշի սեփականատեր, «Վեոն Արմենիա» ընկերության գլխավոր տնօրեն Անդրեյ Պյատախինը:

Նրա խոսքով` իր խնդիրների մեծ մասն ընկերությունը լուծում է, բայց տեղական շուկայում աշխատելն օրեցօր ավելի է դժվարանում: Մեկ բաժանորդից ստացվող եկամուտն ավանդաբար ցածր է ու շարունակում է նվազել:

«Անդառնալիորեն նվազում է ձայնային ծառայություններից օգտվողների թիվը, դրանց փոխարեն բաժանորդները նախընտրում են ինտերնետ զանգեր կատարել, հատկապես՝ արտասահման զանգելու դեպքում: Դա վատ նշան է, բայց սա հատուկ է այսօր բոլոր շուկաներին»,- ասաց Պյատախինը:

«Վեոն Արմենիայի» նկատմամբ ընկերությունների հետաքրքրությունը, տնօրենի խոսքով, հիմնականում պայմանավորված է կաբելային կապի առկայությամբ, ինչը բավական հեշտացնում է 5G կապ ստեղծելու հնարավորությունը: Հարցին, թե ինչու ընկերությունն ինքը չի օգտվում այդ հնարավորությունից, այլ որոշել է վաճառել այն ուրիշին, Պյատախինը նշեց, որ այդ հարցը որոշվել է ընկերության՝ Ամստերդամում գտնվող գլխադասային գրասենյակում:

Իսկ իր ապագա ծրագրերի, Հայաստանում մնալ-չմնալու ու այլ ընկերություն տեղափոխվելու մասին հարցերին Անդրեյ Պյատախինը պատասխանեց կարճ, բայց հայերենով.

«Միայն Աստված գիտի»:

Հունիսի 8-ին «ՎԵՈՆ» ընկերության կենտրոնակայանը տեղեկություն էր տարածել, որ Ucom ընկերության նախկին մենեջերներ Հայկ և Ալեքսանդր Եսայան եղբայրները բանակցություններ են վարում «Վեոն Արմենիա» (Beeline ապրանքանիշ) ընկերությունը գնելու շուրջ։

Ucom-ի համար պատրաստ են ավելի քան 34 մլրդ դրամ վճարել. Եսայանների վերջնական առաջարկը

Մի քանի ամիս առաջ Եսայան եղբայրները լքեցին Ucom–ը և հիմնադրեցին «Թիմ» ընկերությունը։ Sputnik Արմենիայի հետ զրույցում ընկերության հաղորդակցության բաժնի ղեկավար Աշոտ Բարսեղյանը նշել էր, որ ընկերությունն արդեն հայտ է ներկայացրել Տնտեսական մրցակցության պաշտպանության պետական հանձնաժողով։ Հանձնաժողովը պետք է եզրակացնի՝ արդյո՞ք այդ գործարքը և նոր օպերատորի ի հայտ գալը չեն խախտի շուկայական մրցակցությունը։

Հիշեցնենք, որ արդեն մի քանի ամիս է, ինչ «ՎԵՈՆ»-ը բանակցություններ է վարում իր հայաստանյան ընկերության վաճառքի վերաբերյալ։

Ավելի վաղ նրանց հետ բանակցությունների մեջ էր Ucom (որն այն ժամանակ Եսայաններն էին ղեկավարում)։

Բայց այնուհետև լուրեր տարածվեցին, որ Ucom-ի մենեջեր են նշանակելու «Վեոն Արմենիայի» գլխավոր տնօրեն Անդրեյ Պյատախինին։

«Յուքոմը» բացահայտել է «Բիլայնի» գնման գաղտնիքները. ի՞նչ են պայմանավորվել Եսայանները

0
թեգերը:
բջջային, Հայաստան, UCom ընկերությունը, Beeline Armenia
Ըստ թեմայի
Beeline-ը վերականգնել է տերմինալների միջոցով վճարում կատարելու հնարավորությունը
Ucom-ի և Beeline-ի միավորման վերաբերյալ որոշում ՏՄՊՊՀ-ն դեռ չունի
Ucom-ը չի գնի Beeline–ը. քննարկումները դադարեցվել են