ԵՐԵՎԱՆ, 9 հուլիսի — Sputnik. Ամերիկացի միլիոնատեր Իլոն Մասկը, որը գլխավորում է SpaceX և Tesla բարձր տեխնոլոգիական ընկերությունները, Twitter-ում հայտնել է մինի սուզանավի փորձարկումները սկսելու մասին։ Նա առաջարկել է այդ սուզանավներն օգտագործել Թաիլանդի քարանձավում արգելափակված դեռահասներին փրկելու համար։ Այս մասին հայտնում է ՌԻԱ Նովոստին։
Փորձարկումներն անցկացվում են Լոս Անջելեսում։ Տեսագրությունում, որը գործարարը հրապարակել է Twitter-ում, սուզորդները փորձարկում են մինի սուզանավը, մեկն առջևից քաշում է այն, երկրորդը հետևից հրում է, մյուսները լողում են կողքից։
Simulating maneuvering through a narrow passage pic.twitter.com/2z01Ut3vxJ
— Elon Musk (@elonmusk) 9 июля 2018 г.
Շաբաթ օրը Տհամ Լուանգ քարանձավում հեղեղի հետևանքով արգելափակված դպրոցականների մեկ երրորդին հաջողվել է հանել, փրկարարական գործողությունները շարունակվում են։ Հիշեցնենք, որ մարզիչն ու 12 դեռահասները փակված են մնացել Թաիլանդի Կհաո Լուանգ քարանձավում դեռ հունիսի 23-ից։ Երեխաներին հայտնաբերել է ջրասուզակներից մեկը։ Իրավիճակը բարդանում է անդադար լցվող ջրի և թթվածնի պակասի պատճառով։
