ԵՐԵՎԱՆ, 20 հունիսի — Sputnik. Բրիտանական Smoothradio առցանց պորտալն ամերիկահայ երգչուհի Շերիլին Սարգիսյանի մասին 11 փաստ է հրապարակել, որոնց մասին, պարբերականի խմբագիրների կարծիքով, պետք է իմանա փոփ կատարողի յուրաքանչյուր երկրպագու։

«Շերն աշխարհի ամենահայտնի երգչուհիներից ու դերասանուհիներից մեկն է։ Նրա կարիերան վեց տասնամյակ է ընդգրկում», – նշված է հոդվածում։

© REUTERS

Շերն ու ավստրալիական նահանգի վարչապետը հայերեն են շփվել Սիդնեյում

11 փաստ

1. Քանի՞ տարեկան է Շերը։

Նա ծնվել է 1946 թվականի մայիսի 20-ին։ 2018թ.–ին երգչուհին նշել է իր 72-ամյակը։

2. Որո՞նք են ամենահայտնի հիթերը։

Իր կարիերայի ընթացքում Շերը հարյուրավոր երգեր է ձայնագրել։ Ամենահայտնիներն են` «Believe», «The Shoop Shoop Song (It's In His Kiss)», «I Got You Babe», «Just Like Jesse James», «If I Could Turn Back Time», և «Gypsies, Tramps and Thieves» երգերը։

3. Շերի իսկական անունը։

Շերիլին Սարգսյան։ Բեմական կեղծանուն նա սկսել է կիրառել 1960-ականների կեսերից։

4. Ո՞վ էր Շերի ամուսինը` Սոննի Բոնոն։

Շերը Սոննի Բոնոյի հետ հանդիպել էր 1962 թվականի նոյեմբերին, երբ Բոնոն աշխատում էր պրոդյուսեր Ֆիլ Սպեկտորի հետ։ Շերն ու Սոննին մտերիմ ընկերներ դարձան, իսկ ավելի ուշ` նաև սիրեցյալներ։

1960-ականների վերջին 1970-ականների սկզբին նրանք միասին հայտնի դուետ կազմեցին։

5. Ո՞վ էր Շերի երկրորդ ամուսինը։

© Sputnik / Игорь Руссак

Հայաստանի 4-րդ նախագահն աղմկոտ շոուների մեծ սիրահար է. նա էր Շերին Հայաստան բերել

1975 թվականի հունիսի 30-ին` Սոննիի հետ ամուսնալուծվելուց 4 օր անց, Շերն ամուսնացավ ռոքի լեգենդ, The Allman Brothers Band–ի համահիմնադիր Գրեգ Օլմանի հետ։

Սակայն 9 օր անց Շերը դիմեց ամուսնալուծության` հերոինի և ալկոհոլի հետ կապված Օլմանի խնդիրների պատճառով, սակայն մեկ ամսվա ընթացքում նրանք կրկին միացան։ Այնուամենայնիվ, զույգն ամուսնալուծվեց 1979 թվականին։

6. Արդյո՞ք ամուսնացած է Շերն այսօր։

2018 թվականից Շերն ազատ է։ Մյուս հայտնիները, որոնց հետ նա սիրավեպ է ունեցել, դերասան Թոմ Կրուզն է, բայքեր և հեռուստահաղորդավար Թիմ Մեդվետցը, երգիծական գրքի հեղինակ Ռոն Զիմերմանը։

7. Ովքե՞ր էին Շերի ծնողները։

Հայրը` Ջոն Սարգսյանը, էթնիկ հայ է։ Նա բեռնատարի վարորդ էր, թմրանյութերի և մոլախաղերի նկատմամբ սեր ուներ։ Մայրը` Ջորջիա Հոլթը, մոդել էր և դերասանուհի։

8. Որքա՞ն է գնահատվում Շերի կարողությունը։

Որոշ գնահատականների համաձայն` երգչուհու կարողությունը մոտ 320 մլն դոլար է կազմում։

9. Քանի՞ երեխա ունի Շերը։

Երգչուհին երկու երեխա ունի` Չեզ Բոնոն` Սոննիից և Էլայջա Բլուն` Գրեգ Օլմանից։

10. Շերի ձայնի դիապազոնը։

Կոնտրալտո։

11. Ի՞նչ դերեր է մարմնավորել կինոյում։

Շերը բավականին հաջողակ կարիերա է արել կինոմատոգրաֆում։ Նա խաղացել է «Դիմակը», «Բուրլեսկ» ֆիլմերում։ Իսկ 2018 թվականին Mamma Mia! Here We Go Again երաժշտական կատակերգության մեջ հայտնվել է Մերիլ Սթրիփի մոր դերում։

ԵՐԵՎԱՆ, 5 մարտի – Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանը հույս ունի, որ խորհրդարանը ցրելու ու արտահերթ ընտրություններ նախաձեռնելու ՀՀ վարչապետի առաջարկին կմիանան նաև այլ քաղաքական ուժեր։ Այս մասին նա հայտարարեց այսօր ԱԺ–ում կայացած ճեպազրույցում։

«Սա մի պրոցես է, որտեղ պետք են զիջումներ, կոնսենսուսներ բոլոր կողմերից։ Հիմա, եթե ստացվի, կասենք` մենք ամեն ինչ արեցինք, որ այս երկրում ցնցումներ չլինեն, արյունահեղություն չլինի, ու լուծվեց այս հարցը։ Եթե չստացվի, կբացատրեն` ժողովրդին, որ հասանք այսինչ մակարդակին, բայց այդ մակարդակում առաջացավ այսինչ խնդիրը, և դա չեղավ»,– ասաց Մարուքյանը` հավելելով, որ այս վիճակից ելք գտնելը ժողովրդի պահանջն է, որն այլևս անկարող է դիմանալ այս պայմաններին։

«Ես մեկ ժամ խոսակցություն եմ ունեցել և պատրաստ եմ ցանկացած այլ ուժի հետ էլ այդ խոսակցությունն ունենալ»,– ասաց Մարուքյանը։

Հիշեցնենք, որ փետրվարի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։

«Բարգավաճ Հայաստանը» վարչապետ հետ հանդիպման դեռ չի գնացել ու հայտարարել է, որ նրանից հրավեր չի ստացել։