Հայ կոմպոզիտորն ու Մեհրիբան Ալիևայի քույրն Աստանայում մրցանակ են ստացել
(Թարմացված է 10:28 20.06.2018)
«Համագործակցության աստղի» մրցանակային ֆոնդն այս տարի 2 մլն ռուբլի է կազմել (ավելի քան 30 հազար դոլար)։ԵՐԵՎԱՆ, 20 հունիսի — Sputnik. «Համագործակցության աստղ» հեղինակային մրցանակի դափնեկիրներին, ԱՊՀ ականավոր քաղաքացիներին հայտարարել են Աստանայում ԱՊՀ երկրների գիտական և ստեղծագործ մտավորականության ֆորումի ժամանակ։ Այս մասին հայտնում է Sputnik Ղազախստանը։
Այս տարի «Համագործակցության աստղ» մրցանակին են արժանացել կոմպոզիտոր Ստեփան Շաքարյանը Հայաստանից, ադրբեջանցի բանասեր, Ադրբեջանի առաջին տիկնոջ քույր Նարգիզ Փաշաևան, բելառուսցի բիատլոնիստ Դարյա Դոմրաչևան, գրականագետ Աբդիլդաժան Աքմաթալիևը Ղրղըզստանից, մոլդովացի ֆիզիկոս Իոն Բոստանը, ռուսաստանցի երաժիշտ Յուրի Բաշմետը, տաջիկ պոետ Նիզոմ Կոսիմն ու ջութակահարուհի Այման Մուսախոջաևան Ղազախստանից։
Մրցանակը կազմում է 2 մլն ռուբլի կամ 10 մլն տենգե (ավելի քան 30 հազար դոլար)։
Հայտնի ղազախստանցի ջութակահարուհի Այման Մուսախոջաևան ասել է, թե ինչի վրա է նա մտադիր ծախսել գումարը։
«Երիտասարդական ազգային սիմֆոնիկ նվագախումբ ստեղծելու նախաձեռնություն կա, որին աջակցել են Ղազախստանի նախագահ Նուրսուլթան Նազարբաևը և մեր երկրի մշակույթի և սպորտի նախարարը։ Այս մրցանակի մի մասը կցանկանայի տրամադրել այդ նվագախմբի ստեղծմանը, նոր գաղափարը կյանքի կոչել, նոր սկիզբ դնել», – ասել է Մուսախոջաևան։
Նրա խոսքով` ավելի վաղ Ղազախստանի Հանրապետության առաջին նախագահի խաղաղության և առաջընթացի պետական մրցանակի շնորհիվ Ալմաթիում մզկիթ էր կառուցվել։ Ջութակահարուհին ավելացրել է, որ միջոցները բաժանվել են նաև Կուլյաշ Բայսեիտովայի անվան երաժշտական դպրոցի (որն ավարտել է ջութակահարուհին) ուսուցիչներին։
«Համագործակցության աստղ» մրցանակը հիմնադրվել է 2009 թվականին։ Տարբեր տարիներ այս մրցանակի դափնեկիր են եղել դերասան Ասանալի Աշիմովը (Ղազախստան), բալետմեյստեր Յուրի Գրիգորովիչը (Ռուսաստան), մաթեմատիկոս Նուսրատ Ռաջաբովը (Տաջիկստան) և ԱՊՀ երկրների գիտության և արվեստի հայտնի այլ գործիչներ։
ԱՊՀ երկրների գիտական և ստեղծագործ մտավորականության ֆորումն Աստանայում անցկացվում է հունիսի 19-20-ը։
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Այս վիճակից ելք գտնելը ժողովրդի պահանջն է. Մարուքյանը պատրաստ է խոսել բոլոր ուժերի հետ
ԵՐԵՎԱՆ, 5 մարտի – Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանը հույս ունի, որ խորհրդարանը ցրելու ու արտահերթ ընտրություններ նախաձեռնելու ՀՀ վարչապետի առաջարկին կմիանան նաև այլ քաղաքական ուժեր։ Այս մասին նա հայտարարեց այսօր ԱԺ–ում կայացած ճեպազրույցում։
«Սա մի պրոցես է, որտեղ պետք են զիջումներ, կոնսենսուսներ բոլոր կողմերից։ Հիմա, եթե ստացվի, կասենք` մենք ամեն ինչ արեցինք, որ այս երկրում ցնցումներ չլինեն, արյունահեղություն չլինի, ու լուծվեց այս հարցը։ Եթե չստացվի, կբացատրեն` ժողովրդին, որ հասանք այսինչ մակարդակին, բայց այդ մակարդակում առաջացավ այսինչ խնդիրը, և դա չեղավ»,– ասաց Մարուքյանը` հավելելով, որ այս վիճակից ելք գտնելը ժողովրդի պահանջն է, որն այլևս անկարող է դիմանալ այս պայմաններին։
«Ես մեկ ժամ խոսակցություն եմ ունեցել և պատրաստ եմ ցանկացած այլ ուժի հետ էլ այդ խոսակցությունն ունենալ»,– ասաց Մարուքյանը։
Հիշեցնենք, որ փետրվարի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
«Բարգավաճ Հայաստանը» վարչապետ հետ հանդիպման դեռ չի գնացել ու հայտարարել է, որ նրանից հրավեր չի ստացել։
թեգերը: