Կիրիլ Վիշինսկի

Ռուս իրավապաշտպանը չի հավատում, որ Վիշինսկու մոտ կարող էին ատրճանակ գտնել

23
(Թարմացված է 15:15 11.06.2018)
Լրագրող Կիրիլ Վիշինսկու գործը պետք է հետաքննվի լայն հասարակության հսկողության ներքո, համոզված է Ռուսաստանի նախագահին կից Մարդու իրավունքների պաշտպանության խորհրդի ղեկավար Միխայիլ Ֆեդոտովը։

ԵՐԵՎԱՆ, 11 հունիսի — Sputnik. Ուկրաինայի անվտանգության ծառայության հաղորդագրությունն այն մասին, որ «ՌԻԱ Նովոստի-Ուկրաինա» գործակալության գլխավոր խմբագիր Կիրիլ Վիշինսկու բանկային խցում ատրճանակ են հայտնաբերել, կասկածներ է հարուցում, ՌԻԱ Նովոստիին ասել է նախագահին կից Ռուսաստանի Մարդու իրավունքների խորհրդի ղեկավար Միխայիլ Ֆեդոտովը։

Նա նշել է, որ լրագրողի զենքը գրիչն է, նոթբուքը, խոսափողն ու տեսախցիկը։

Մարդու իրավունքների խորհրդում վստահ են, որ քաղաքական ենթատեքստ ունեցող նման գործերը պետք է հետաքննվեն լայն հասարակության հսկողության տակ։

Հիշեցնենք` հունիսի 7-ին Մարդու իրավունքների խորհրդում հայտնել էին, որ Վիշինսկու բանկային խցի խուզարկման ընթացքում գտել են ավելի քան 200 հազար դոլար, «Բրաունինգ 1906» ու «Ռոսիա սեգոդնյա» ՄՏԳ- հետ պայմանագիրը։

Վիշինսկուն ձերբակալել են մայիսի 15-ին նրա տան մոտ` Կիևում։ Ուկրաինայի հատուկ ծառայությունները նրան կասկածում են պետական դավաճանության մեջ։ Նրա խմբագրությանը մեղադրում են «Ուկրաինայի դեմ հիբրիդային տեղեկատվական պատերազմի» համար։ Վիշինսկին հրապարակավ դիմել է Ռուսաստանի նախագահին` հայտարարելով, որ հրաժարվում է ուկրաինական քաղաքացիությունից։

Ուկրաինան իր հերթին հայտնել է, որ պատրաստ է դիտարկել լրագրողի և ռեժիսոր Սենցովի փոխանակման հարցը։ Սենցովին դատապարտել են Ղրիմում ահաբեկչություններ կազմակերպելու մեղադրանքով։ Նա դատապարտվել է 20 տարի ազատազրկման ու ճաղերի հետևում է։

23