ԵՐԵՎԱՆ, 7 հունիսի — Sputnik. Մարիա Շարապովան հերքել է ամերիկահայ միլիոնատեր Ալեքսիս Օհանյանի կնոջ` Սերենա Ուիլյամսի ասածն այն մասին, թե ռուս թենիսիստուհու գիքրը լիովին հիմնված է բամբասանքների վրա։ Այս մասին գրում է Metro.co.uk պարբերականը։

«Ռուս թենիսիստուհին կարծում է, որ տարօրինակ կլիներ, եթե իր կենսագրությունում չգրեր գլխավոր մրցակցի` Սերենա Ուիլյամսի մասին` հաշվի առնելով, որ նրանք մրցակցել են տարիներ շարունակ», — նշվում է հրապարակման մեջ։

Աղջիկները պետք է հանդիպեին Ֆրանսիայի Բաց աառջնությունում, սակայն կրծքավանդակի վնասվածքի պատճառով Ուիլյամսը 1/8 եզկափակիչից առաջ դուրս մնաց մրցումներից։ Յուլյա Գյորգեսի հետ մարտի երրորդ ռաունդում ամերիկուհին մկանային վնասվածք էր ստացել։

© AP Photo / Evan Agostini/Invision

Մարիա Շարապովա

Հիշեցնենք` Սերենայի մեկնաբանություններին պատասխանելիս Մարիա ասել է. «Չեմ կարծում, որ նա երբևիցե կների ինձ։ Կարծում եմ` Սերենան ատում է, որ ես` վտիտ աղջնակս, ի հեճուկս ամեն ինչի հաղթեցի նրան «Ուիմբլդոնում»։ Նաև այն բանի համար, որ ես վերցրել եմ այն, ինչը, Սերենայի համոզմամբ, նրան էր պատկանում։ Սակայն ամենաշատը նա ատում է ինձ, որովհետև ես լսել եմ` ինչպես է նա լացում։ Սերենայի ընկերուհին փոխանցել է ինձ, որ մրցաշարից քիչ անց նա ասել է. «Ես այլևս երբեք չեմ զիջի այդ լրբին»։

«Ռոլան Գարոսի» չորրորդ շրջան դուրս գալուց հետո մամուլի ասուլիսի ժամանակ Սերենա Ուիլյամսը խոսել է լացելու մասին։

«Դա «Ուիմբլդոնի» եզրափակիչն էր։ Ավելի զարմանալի կլիներ, եթե չլացեի»,- ասել է նա։

Ընդհանուր առմամբ նա համարել է, որ «այդ գիրքը հարյուր տոկոսանոց բամբասանք է», համենայն դեպս այն հատվածները, որոնք ինքն է ընթերցել է։ Նա նաև զարմացել է, որ այդ գրքում այդքան շատ բան է գրված եղել իր մասին։

Կարեն Վրթանեսյանի դիտարկմամբ` իրականում Ադրբեջանը 44-օրյա պատերազմից հետո որևէ կերպ չի դադարեցրել ռազմաշունչ հռետորաբանությունը, շատ արագ համալրում է ռազմական կորուստները, գնում է նոր սպառազինություն, վերախմբավորում է զինված ուժերը։ Ըստ նրա` ակնհայտ է, որ Ադրբեջանը չի համարում պատերազմն ավարտված և պատրաստվում է հաջորդ լայնածավալ ռազմական գործողություններին։

«Ընդհանրապես մեր անվտանգության ամբողջ համակարգը կաթվածահար վիճակում է։ Այնպիսի տպավորություն է, որ ՊՆ–ի ու ԱԱԾ–ի լրատվական բաժիններն ավելի շատ Ադրբեջանի շահերն են պաշտպանում, քան Հայաստանի քաղաքացիների։ Մանավանդ բանակի և Նիկոլ Փաշինյանի միջև վերջին կոնֆլիկտը միանշանակորեն լավ չէ ընդհանուր անվտանգության համատեքստում։ Այն, ինչ կատարվում է պատերազմից հետո, պետք է ընթանար բոլորովին այլ ճանապարհով։ Նույնիսկ մի կողմ թողնելով այն հարցը, որ երկիրը պարտության տարած թիմը պետք է հրաժարական տար, մենք շատ արագ պետք է զբաղվեինք մեր բանակի վերազինմամբ, կորուստների վերականգնմամբ, նորությունների մշակմամբ»,– նշեց ռազմական փորձագետը։

Վրթանեսյանի կարծիքով` պատերազմից հետո մեր անվտանգային համակարգն ու բանակը թողնվեցին ինքնահոսի` դրանից բխող բոլոր ռիսկերով։

Անդրադառնալով ՀՀ երկրորդ նախագահ Ռոբերտ Քոչարյանի տեսակետին, որ բանակի վերականգնման համար անհրաժեշտ կլինի 3 միլիարդ դոլար, Վրթանեսյանն ընդգծեց, որ իրենց թիմի ու նախկին նախագահի հաշվարկները գրեթե նույնն են, և այդ գումարն անհրաժեշտ է մեր զինված ուժերը գոնե մինչպատերազմյան վիճակի բերելու համար։

«Բայց հաշվի առնենք, որ նաև շատ մեծ քանակով ռազմական ենթակառուցվածքներ են ոչնչացվել կամ հանձնվել թշնամուն` սկսած զորամասերից, վերջացրած դիրքերով։ Պետք է նորից իրականացվեն ամրաշինական աշխատանքներ, կառուցվեն ճանապարհներ, իսկ որոշ տեղերում ենթակառուցվածքները պետք է հիմնվեն զրոյից»,–   նշեց ռաազմական փորձագետը։

Վրթանեսյանի խոսքով` վերջին պատերազմը ցույց տվեց, որ պետք է շատ արագ զարգացնել բանակը` այդ ուղղությամբ կատարելով անհրաժեշտ գնումներ, մասնավորապես՝ պետք է ձեռք բերել ԱԹՍ–ներ։ Ըստ նրա` մեզ պետք են ավելի մեծ գումարներ, որպեսզի փորձենք ոչ միայն բալանսի բերել բանակը, այլև որոշակի գերակայություն ապահովել։