ԵՐԵՎԱՆ, 22 մայիսի –Sputnik. Հայտնի ռուս երգչուհի Իրինա Ալեգրովան զրկվել է խոշոր գումարից` իր դյուրահավատության և ողբերգական հանգամանքների պատճառով։ Այս մասին հայտնում է «Տելեպրոգրամ» պարբերականը։

Ռուսական էստրադայի «կայսրուհի» Իրինա Ալեգրովան մտադիր էր խոշոր գումար ներդնել Մերձմոսկովյան շրջանում գտնվող Միլորադովո ավանում առանձնատան նախագծման և հող գնելու համար, սակայն արդյունքում մնաց և՛ առանց տան, և՛ առանց գումարի։

© Sputnik / Евгения Новоженина

Պուգաչովան դատարան է դիմել

Ամառանոցի շինարարության ընթացքում որպես կանխավճար նա 10 մլն ռուբլի էր փոխանցել շինարարների աշխատանքները համակարգող գործարար Վլադիմիր Դենիսովին։ Սակայն Դենիսովը մահացել է, իսկ փողերը` կորել։  Լուրեր են շրջանառվում, որ հանգուցյալը երգչուհու միջոցները ներդրել է բիզնեսի մեջ, սակայն սննկացել է։

Վշտացած երգչուհին հրաժարվել է համակերպվել իրավիճակի հետ և դատարան դիմում է ներկայացրել։  Ինչպես պատմել է աստղի իրավաբանը, ժառանգաբար հանգուցյալի պարտքերը փոխանցվել են շինարարի կնոջը։  10 մլն–ից Ալեգրովային հաջողվել է հետ ստանալ միայն 100 հազար ռուբլին, և նրան դեռ պետք է վերադարձնեն 9.3 մլն ռուբլի։ Պատասխանող կողմը չի շտապում մարել պարտքը, իբրև թե գումարի բացակայության պատճառով։

Ալեգրովայի իրավաբանը նշում է, որ հանգուցյալի կինը ստում է` ասելով, թե փող չունեն։ Տղամարդու խոսքով` Դոնիսովի մահից հետո նրա կնոջը որպես ժառանգություն հասել է 11 մլն ռուբլի արժողությամբ տունը, 7 մլն արժողությամբ հողատարածքն ու մի քանի ավտոմեքենա։

ՀՀ սահմանադրությամբ ամրագրված է ԶՈւ ԳՇ պետին և այլ զորքերի բարձրագույն հրամանատարական կազմին նշանակելու դեպքերն ու կարգը և չի նախատեսում նրանց ազատելու ընթացակարգ։ Sputnik Արմենիայի հետ զրույցում նման կարծիք հայտնեց սահմանադրագետ Գոհար Մելոյանը։

© Photo : official site of the MoD of RA

Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ

«139-րդ հոդվածում բացառապես խոսվում է միայն ԳՇ պետի նշանակելու մասին, այսինքն` վերջինիս ազատելու հնարավորություն սահմանադրությունը ո՛չ նախագահին, ո՛չ վարչապետին չի տալիս»,- ասաց նա։

Նրա խոսքով` նույն հոդվածում նշվում է, որ ԶՈւ ամենաբարձր պաշտոնատար անձը ԳՇ պետն է, և որ սահմանադիրը նրան տվել է հատուկ կարգավիճակ` առանձնացնելով ԶՈւ և բարձրագույն հրամանատարական կազմից` հաշվի առնելով ԶՈւ նշանակությունը ՀՀ անվտանգության և անձեռնմխելիության տեսանկյունից։ Սա ևս, ըստ սահմանադրագետի, բխում է սահմանադրության ընդհանուր դրույթներից։ Այս դեպքում հարց է ծագում` ինչպե՞ս և ո՞ր դեպքում ԳՇ պետը կարող է ազատվել կամ հեռացվել զբաղեցրած պաշտոնից։

«ԳՇ պետն ազատվում է իր պաշտոնից ընդհանուր հիմունքներով, այսինքն` իր դիմումի համաձայն, քաղաքացիության կորստի, մահվան, օրինական ուժի մեջ մտած մեղադրական դատավճռի առկայության և նմանատիպ դեպքերում»,- պարզաբանեց Մելոյանը։

Սահմանադրագետի դիտարկմամբ` այն, որ մի շարք անձինք նշում են, թե «Զինվորական ծառայության և զինվորական կարգավիճակի մասին» օրենքի 40-րդ հոդվածը բարձրագույն հրամանատարական, զինվորական պաշտոն զբաղեցնող անձանց պաշտոնից ազատելու հայեցողական հնարավորություն է ընձեռում, չարաշահման տեղիք է տալիս։

© Photo : official site of the MoD of RA

Օնիկ Գասպարյանը տուն է գնացել, իսկ Փաշինյանը նամակ է ուղարկել թիմակիցներին. «Ժողովուրդ»

«Այս օրենքը ևս իր հերթին չի կարող տարածվել ԳՇ պետի վրա, որովհետև, նախ` Սահմանադրությունը նման հնարավորություն չի նախատեսում, բացի այդ, սահմանադրությունը մեր օրենսդրական դաշտի բարձրագույն օրենքն է և վերադաս է այլ օրենքների նկատմամբ»,- նշեց Մելոյանը։

Հիշեցնենք` ՀՀ նախագահի մամուլի ծառայությունը եչել տեղեկություն էր տարածել, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը։

Միաժամանակ նշվում էր, որ Սարգսյանը կդիմի Սահմանադրական դատարան, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։