Դոնալդ Թրամփ

Թրամփը տխրել է. Ռուսաստանի դեմ նոր պատժամիջոցներ չեն լինի. ռուբլին կայունանում է

115
(Թարմացված է 13:17 17.04.2018)
Ամերիկայի նախագահ Դոնալդ Թրամփը խորհրդականներին ասել է, թե համոզված չէ, որ Ռուսաստանի նկատմամբ նոր պատժամիջոցներ է պետք կիրառել։

ԵՐԵՎԱՆ, 17 ապրիլի — Sputnik. ԱՄՆ նախագահ Դոնալդ Թրամփը հանձնարարել է դադարեցնել նոր հակառուսական պատժամիջոցների կիրառումը։ Այս մասին հայտնում է Washington Post–ը` հղում անելով իր աղբյուրներին։

«Կիրակի երեկոյան Թրամփը խորհրդակցել է ազգային անվտանգության գծով խորհրդականների հետ ու ասել, որ իրեն տխրեցնում է այն փաստը, որ պաշտոնապես հայտարարվել է պատժամիջոցների մասին, քանի որ հիմա նա վստահ չէ, որ պետք է կիրառել դրանք», – պարբերականը մեջբերում է աղբյուրի խոսքերը։

Ռուսական ռուբլին «արձագանքել» է այս նորությանը` ամրապնդվելով իր դիրքերը դոլարի նկատմամբ 82, իսկ եվրոյի նկատմամբ 75 կոպեկով։

Մինչդեռ Ռուսաստանի ԱԳՆ մշտական ներկայացուցիչ Մարիա Զախարովան հայտնել է, որ Վաշինգտոնը սահմանափակիչ միջոցներ է կիրառում միայն այն բանի համար, որ Ռուսաստանը ներկա է միջազգային ասպարեզում, իսկ երկրի դեմ պատժամիջոցները «արվում են արդեն առանց որևէ առիթների»։

«Եթե նախկինում մեզ ասում էին, որ պատժում են Ուկրաինայի համար, ապա հիմա ձևակերպումները կտրականապես փոխվել են։  Մեզ պատժում են պարզապես այն բանի համար, որ մենք կանք միջազգային ասպարեզում։ Հենց այդպես էլ ձևակերպել են. միջազգային գործերում Ռուսաստանի դերի համար։ Վերջ», – ասել է Զախարովան։

Նոր պատժամիջոցների կիրառման մասին հայտնել էր ՄԱԿ-ում ԱՄՆ-ի մշտական ներկայացուցիչ Նիկի Հեյլին։ Նրա խոսքով` ամերիկյան իշխանությունները պետք է հայտարարեին այդ սահմանափակումների մասին երկուշաբթի։ Հեյլին հայտնել է, որ պատժամիջոցների տակ են ընկնելու այն ընկերությունները, որոնք քիմիական զենքի ստեղծման համար տեխնոլոգիաներ են մատակարարել Սիրիա ։

115
Ըստ թեմայի
ԱՄՆ–ի Կոնգրեսում բացատրել են, թե ինչու Թրամփը պետք է ընդունի Հայոց ցեղասպանությունը
Թրամփը խոստացել է հրթիռային հարված հասցնել Սիրիային. «Նրանք հաճելի են, նոր և «խելացի»»
Ինչո՞ւ է Թրամփը Պուտինին Սպիտակ տուն հրավիրում