Տալլին

Էստոնահայերից յուրաքանչյուրը փորձում է տեղ հասցնել Ցեղասպանության սարսափը

17
(Թարմացված է 14:47 13.04.2018)
Էստոնիայի հայկական համայնքը յուրովի է նշում Օսմանյան կայսրությունում իրականացված Հայոց ցեղասպանության տարելիցը։

ԵՐԵՎԱՆ, 13 ապրիլի — Sputnik. Էստոնիայի հայկական համայնքի ներկայացուցիչները պատրաստվում են նշել Օսմանյան կայսրությունում տեղի ունեցած Հայոց ցեղասպանության 103-րդ տարելիցը հայ-էստոնական բարեկամության հուշարձանի մոտ ծաղիկներով երթով։

Այս մասին Sputnik Արմենիա մամուլի կենտրոնում Էստոնիա-Հայաստան տեսակապի ժամանակ ասաց Էստոնիայի ազգային փոքրամասնությունների ներկայացուցիչների պալատի ղեկավար, Տալլինի պատվավոր քաղաքացի Ռաֆիկ Գրիգորյանը։

«Մենք ամեն տարի նշում ենք Հայոց ցեղասպանության տարելիցը։ Երեխաները պետք է իմանան այդ մասին, ծնողները պետք է փոխանցեն նրանց այն ամենը, ինչ տեղի է ունեցել հայ ժողովրդի հետ», — ասաց Գրիգորյանը։

Նրա խոսքով` համայնքը Թուրքիայի դեսպանատան դիմաց հանրահավաքներ կամ ջահերով երթ չի կազմակերպում, քանի որ Էստոնիան դեռ չի ճանաչել Հայոց ցեղասպանությունը։ Համայնքը գիտաժողովների, հրապարակումների ճանապարհով փորձում է հասարակությանը տեղ հասցնել այն վայրագությունները, որոնք Օսմանյան կայսրությունում իրականացվել են հայերի նկատմամբ։ Նա նաև պատմեց, որ տներում մոմեր են վառվում զոհերի հիշատակին։

Տալլինի «Արարատ» ֆուտբոլային ակումբի նախագահ Ավետիս Հարությունյանն էլ ասաց, որ տարբեր կազմակերպություններ յուրովի են այդ տեղեկությունը տեղ հասցնում։ Օրինակ` նրանց ֆուտբոլային ակումբն այդ օրվա նվիրված խաղեր է անցկացնում, դաշտ է դուրս գալիս սև ժապավեններով։

«Յուրաքանչյուրը փորձում է տեղ հասցնել հայերի հետ տեղի ունեցած սարսափները», — ասաց Հարությունյանը։

Էստոնիայում, պաշտոնական տվյալների համաձայն, մինչև 2000 հայ է ապրում։ Նրանց առջև խնդիր է դրված` պահպանել ազգային ինքնությունը։ Անկախ նրանից, որ Էստոնիայում երեք կիրակնօրյա դպրոցներ են գործում, որոնց շրջանակներում երեխաներին հայոց լեզու, պատմություն, մշակույթ, կրոն են դասավանդում, շատ դժվար է չձուլվել Էստոնիայի պես երկրում, որտեղ տարբեր ազգերի ներկայացուցիչներ են ապրում։

Համայնքի գլխավոր խնդիրը շարունակում է մնալ այն, որ տեղի հայերը վատ գիտեն մայրենի լեզուն, սակայն միևնույն ժամանակ հիանալի տիրապետում են 3-4 օտար լեզվի։ Հայաստանի և Էստոնիայի պատմական կապերի մասին առաջին հիշատակումը XIV դարով է թվագրվում։

17
թեմա:
Հայոց ցեղասպանություն (119)
Ըստ թեմայի
«Հիշում եմ». Ֆրանսիայի նախարարը գրառում թողեց Ցեղասպանության թանգարանի հյուրերի մատյանում
Ժնևում Հայոց ցեղասպանության զոհերին նվիրված արտասովոր հուշարձան կկանգնեցվի
Վրաստանի վարչապետը Երևանում հարգանքի տուրք մատուցեց Հայոց ցեղասպանության զոհերին