ԵՐԵՎԱՆ, 12 ապրիլի — Sputnik. Քիմիական զենքն արգելող կազմակերպության (ՔԶԱԿ) փորձագետները հաստատել են, որ Գլխավոր հետախուզական վարչության նախկին գնդապետ Սերգեյ Սկրիպալի և նրա դստեր` Յուլյա Սկրիպալի դեմ մահափորձ կատարելիս օգտագործվել է «թունավոր քիմիական նյութ», հաղորդում է Sky News հեռուստաալիքը։

© Sputnik / Алексей Никольский

Պուտինը հույս է հայտնել, որ «Սկրիպալի գործում» կհաղթի առողջ բանականությունը

Sky News-ն ավանել է այն «Նովիչոկ», միաժամանակ պարբերականի հրապարակած փաստաթղթում նման անվանում չկա։

«ՔԶԱԿ թիմի հավաքած նմուշները հաստատում են այն հետևությունները, որոնք արել է Բրիտանիան Սոլսբերիում օգտագործված թույնի ծագման վերաբերյալ», — նշված է հաղորդագրությունում։

Քիմիական նյութի անվանումը և կառուցվածքը ներկայացվում է զեկույցի ամբողջական տարբերակում, որը հասանելի է ՔԶԱԿ անդամ երկրների համար։

«Ոչ մի կասկած չկա, թե ինչ է օգտագործվել, և մեղավորի վերաբերյալ ոչ մի այլընտրանքային բացատրություն չկա. միայն Ռուսաստանն ունի միջոցներ, դրդապատճառներ և համապատասխան անցյալ», — հայտարարել է Բրիտանիայի ԱԳՆ ղեկավար Բորիս Ջոնսոնը` մեկնաբանելով զեկույցը։

Ավելի վաղ Daily Mail-ը, հղում անելով Մեծ Բրիտանիայի ԱԳՆ-ին, հաղորդել է, որ ՔԶԱԿ փորձագետներն ավարտել են Սոլսբերիում միջադեպի ուսումնասիրությունը, փոխանցել են իրենց հաշվետվությունը Մեծ Բրիտանիային և հինգշաբթի կուղարկեն այն կազմակերպության բոլոր անդամ երկրներին։

Ռուսաստանի և Մեծ Բրիտանիայի հարաբերությունները կտրուկ սրվել են բրիտանական Սոլսբերիում տեղի ունեցած դեպքի պատճառով։ Հենց այդ քաղաքում են թունավորել Բրիտանիայի հատուկ ծառայությունների համար աշխատող ռուսական հետախուզական վարչության նախկին գնդապետ Սերգեյ Սկրիպալին և նրա դստերը` Յուլյային։ Լոնդոնում պնդում են, որ Սրիպալին A234 նյարդապարալիտիկ նյութով թունավորելու գործին մասնակցել է Ռուսաստանը, մինչդեռ Ռուսաստանը կտրականապես հերքում է այդ մեղադրանքը` հիշեցնելով, որ Սոլսբերիի մոտակայքում է գտնվում Մեծ Բրիտանիայի պաշտպանության նախարարության քիմիական լաբորատորիան։

ԵՐԵՎԱՆ, 3 մարտի – Sputnik. Երեկ՝ մարտի 2-ին, արտակարգ դեպք է տեղի ունեցել Երևանում։ Վիճաբանությունն ավարտցվել է դանակահարությամբ։ Կան վիրավորներ։ Տեղեկությունը հայտնում է shamshyan.com–ը։

© Photo : Авилов Александр / АГН "Москва"

Գյումրիում դանակահարել են շտապօգնության վարորդի. վիճակը ծանր է

Ժամը 22։40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «որովայնի առաջնային պատի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի։

Ոստիկանները պարզել են, որ վիրավորը Աջափնյակ վարչական շրջանի բնակիչ՝ 27-ամյա Գարիկ Մ-ն է։

Մինչ ոստիկաններն ու քննիչները կպարզեին դեպքի հանգամանքները, ժամը 23։45-ին թիվ 1 համալսարանական հիվանդանոցից ոստիկանության Մաշտոցի բաժին ահազանգ է ստացվել, որ «գլխի վնասվածք» ախտորոշմամբ իրենց մոտ է տեղափոխվել մի քաղաքացի։

Ոստիկանները և քննիչները, մեկնելով նշված հիվանդանոց, պարզել են, որ վիրավորը Էրեբունի վարչական շրջանի բնակիչ՝ 43-ամյա Գևորգ Ա-ն է։

«Պարզվել է, որ նույն օրը` ժամը 22։30-ի սահմաններում, Միկոյան փողոցում ավտոմեքենաների կայանման շուրջ Գարիկ Մ-ի ու Գևորգ Ա-ի միջև վիճաբանություն է տեղի ունեցել, որի ժամանակ Գարիկ Ա-ն սուր կտրող-ծակող առարկայով հարվածել է Գարիկ Մ-ին, իսկ վերջինս էլ ձեռքերով հարվածել է Գևորգ Ա-ի գլխին»,–գրում է կայքը։

«Արմենիա» ԲԿ-ում ոստիկաններին և քննիչներին հայտնել են, որ Գարիկ Մ-ն այս պահին ի վիճակի չէ կատարվածի մասին բացատրություն տալու։

Ոստիկաններն ու քննիչները ձեռնարկում են անհրաժեշտ օպերատիվ հետախուզական և քննչական միջոցառումներ՝ հանցագործության գործիք հանդիսացող սուր կտրող առարկան հայտնաբերելու համար։