ԵՐԵՎԱՆ, 11 ապրիլի — Sputnik. Ալժիրում ինքնաթիռի կործանման հետևանքով մահացածների թիվը հասել է 257-ի, որոնց թվում է նաև օդանավի անձնակազմը։ Այս մասին հայտնում է Ալժիր24-ը` հղում անելով քաղպաշտպանության ծառայությունը։
Տարբեր աղբյուրներ հայտնել են, որ ինքնաթիռի կործանման հետևանքով որևէ մեկը ողջ չի մնացել։ Նշվում է, որ հնարավոր է` մահացել են նաև այդ պահին ներքևում գտնվող մարդիկ, քանի որ ինքնաթիռն ընկել է ֆերմայի մոտ։
Ինքնաթիռի կործանման պատճառն առայժմ հայտնի չէ։
Մարդիկ տեսել են, թե զինվորականներին տեղափոխող ինքնաթիռն ինչպես է այրվել երկնքում։
Նշենք, որ Իլ-76 ինքնաթիռը կործանվել է Բլիդա քաղաքի մոտակայքում տեղի ժամանակով առավոտյան 08:00-ի սահմանում: