Աֆրինում թրքացման քաղաքականություն է իրականացվում. հարվածի տակ են Ղամիշլիի հայերը
(Թարմացված է 15:44 03.04.2018)
Աֆրինի մի շարք դպրոցներում սկսել են դասավանդել թուրք ուսուցիչները։ Կրթության թուրքական մոդել է մտցվել, լուրջ ուշադրություն է դարձվում նաև կրոնական քարոզչությանը։ԵՐԵՎԱՆ, 3 ապրիլի — Sputnik. Սիրիական Աֆրինում, որն ավելի վաղ գրավել էր Թուրքիայի բանակը, զանգվածային թրքացման քաղաքականություն է իրականացվում։ Այս մասին երեքշաբթի հրավիրված ասուլիսի ժամանակ ասաց ռազմական փորձագետ, Razm.info կայքի վերլուծաբան Տարոն Հովհաննիսյանը։
©
Sputnik / Asatur Yesayants
«Ակնհայտ է, որ Թուրքիան նախատեսում է երկարատև հեռանկարում զավթել սիրիական կանտոնը։ Արդեն այսօր մի շարք բնակավայրերի դպրոցներում սկսել են դասավանդել թուրք ուսուցիչները, մտցվում է կրթության թուրքական մոդել։ Էրդողանը սիրիական տարածքները յուրացնելու նպատակաուղղված քաղաքականություն է իրականացնում», — ասաց Հովհաննիսյանը։
Լուրջ ուշադրություն է դարձվում նաև կրոնական քարոզին։
Նա հիշեցրեց, որ Անկարան ծրագրում է նաև «անվտանգության գոտի» ստեղծել Սիրիայի հյուսիսում և այդ տարածքները բնակեցնել սիրիացի փախստականներով, որոնք հիմա Թուրքիայում են։ Տարբեր տվյալների համաձայն` նրանց թիվը հասնում է մոտ 2.5-3 մլն-ի։
Թուրքիայի իշխանությունները բազմաթիվ անգամ հայտարարել են, որ չեն սահմանափակվելու Աֆրինի գրավմամբ, մտադիր են շարունակել «հակաահաբեկչական գործողությունները» Մանբիջում, այնուհետև մարտական գործողությունները տեղափոխել Եփրատի արևելյան ափեր։
Կայքի մեկ այլ վերլուծաբան Սոնա Սուքիասյանի կարծիքով` այդ ծրագրերի իրականացումը վտանգավոր է հայկական համայնքի համար։
«Սա ենթադրում է, որ Թուրքիան հասնելու է Սիրիա-Իրաք սահմանին, իսկ այդ հատվածների որոշ քաղաքներում, մասնավորապես՝ Ղամիշլի քաղաքում հայեր են ապրում: Եթե թուրքական զինուժի գործողությունները մինչև Իրաքի սահման շարունակվեն, հայ համայնքը լուրջ խնդիրների առաջ է կանգնելու»,- նշեց նա։
Ինչ վերաբերում է Մանբիջին, ապա այստեղ տեսականորեն գոյություն ունի բախման վտանգ այստեղ գտնվող ամերիկացի հրահանգիչների և թուրքական բանակի միջև, այն դեպքում, եթե վերջինը որոշի ռազմական գործողություններ սկսել քրդական «Ժողովրդական ինքնապաշտպանության ջոկատների» (YPG) դեմ։
©
AFP 2020 / ADEM ALTAN
Մանբիջում գործողություններ սկսելու մասին հայտարարությանն ի պատասխան ամերիկյան կողմն արդեն հասկացրել է, որ իր զինվորականներն այնտեղից դուրս չեն գա։
Միևնույն ժամանակ Տարոն Հովհաննիսյան քիչ հավանական է համարում ամերիկացիների և թուրքերի միջև զինված հակամարտությունը` պնդելով, որ կողմերն ի վերջո «կսակարկեն և պայմանավորվածություն ձեռք կբերեն»։ Թուրքական բանակի գործողությունների հավանականությունը մեծամասամբ կախված է նրանից` ամերիկացիները կորոշեն հանձնել «Մանբիջը», թե ոչ, կարծում է փորձագետը։
Հիշեցնենք, որ Թուրքիայի ԶՈՒ գլխավոր շտաբը հունվարի 20-ին հայտարարել էր «Ձիթենու ճյուղ» ռազմական գործողության մեկնարկի մասին։ Այն ուղղված էր սիրիական Աֆրինում քրդերի դեմ։ Թուրքական զինուժի հետ միաժամանակ գործում էին «Սիրիայի ազատ բանակի» գրոհայինները։
Մարտի 18-ին Էրդողանը հայտարարել էր, որ Սիրիայի Աֆրին քաղաքն ամբողջովին «ազատագրված» է քրդական զինված ուժերից:
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Գերեվարված զինծառայողների ծնողները կրկին փակել են Շիրակի մարզպետարանի մուտքը
(Թարմացված է 12:53 05.03.2021)
Գերեվարվածների ծնողները թույլ չեն տվել, որ մարզպետարանի որևէ աշխատակից ներս մտնի: ԵՐԵՎԱՆ, 5 մարտի – Sputnik, Արմենուհի Մխոյան. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:
Пресс-служба МИД РФ
Նրանք, սակայն, հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:
Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:
Մարտի 3-ին, սակայն, նրանք աշխատակիցների ելումուտը չէին արգելել:
Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող են գերեվարվել, բոլորը` Շիրակի մարզից։
Հունվարի 28–ին նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։
թեգերը: