ԵՐԵՎԱՆ, 28 մարտի — Sputnik, Արամ Գարեգինյան. Թեև սիրիացիները դժվար ժամանակներ են ապրում, միևնույնն են խնդրում են`օգնենք մնանք այստեղ։ Այս մասին Alfa y Omega իսպանական կաթոլիկ եկեղեցու հետ զրույցում ասել է Հռոմ ժամանած Հալեպի հայ կաթոլիկ եպիսկոպոս Բուտրոս Մայարայտին։
«Թեև դժվար ժամանակներ ենք ապրում, բայց ուզում եմ ասել` օգնեք մնանք։ Շատերը գնացել են այստեղից։ Բայց մնացել են նրանք, ովքեր չեն այստեղ ապրել։ Ինչպես ասում է Հռոմի Պապը` Մերձավոր Արևելքը չի կարելի առանց քրիստոնյաների թողնել։ Բայց դրանից խուսափելու համար ձեր աղոթքներն ու օգնությունն է պետք», –ասել է Բուտրոսը։
Գրոհայիններն ակտիվորեն ռմբակոծում ու հրթիռներ էին արձակում Հալեպի քրիստոնյա թաղամասերի վրա։
«Փառք Աստծո, այս տարի կարողացանք շատ բան վերականգնել։ Ինձ ամենաշատը դպրոցն է մտահոգում։ Քանի որ դա մեր եկեղեցու ապագան է։ Ճիշտ է` նախկինում հազար երեխա էր դպրոց այցելում, հիմա` 450։ Նրանք կրկին դասարաններ են վերադարձել` հինգ տարի նկուղներում սովորելուց հետո։ Հիմա մենք նրանց հետ նոր կյանք ենք սկսում։ Նորից սկաուտների ջոկատներ են ստեղծվել, դպրոցական երգչախումբ ու շատ այլ բաներ են հայտնվել, ինչը մեզ ապրելու հույս է տալիս», – ասում է եպիսկոպոսը։
Վեց–յոթ տարեկան երեխաներն են առաջին դասարան գնում։ Նրանք ծնվել են, երբ արդեն պատերազմը սկսվել էր։ Մեզ համար դժվար է պատկերացնել` ինչպես են նրանք տանում իրենց տեսածը։ Իսկ նրանց դժվար է պատկերացնել` որն է էլեկտրականությունն ու ջրատարը։ Նրանց օգնում են քահանաներն ու հոգեբանները։
Լուսանկարներում նա ցույց է տալիս դպրոցի ներքին բակում այն տեղը, որտեղ հրթիռի արկ է ընկել։ Բարեբախտաբար, այդ պահին երեխաներից ոչ ոք չկար։ Հիմա ամեն ինչ վերակառուցվել է, իսկ երեխաներն այնտեղ կրկին վազվզում ու ուրախանում են։ Կրկին ապրում են։
Հալեպում կողք–կողքի համերաշխ ապրում են ուղղափառները, բողոքականներն ու կաթոլիկները, քրիստոնյաներն ու մուսուլմանները։
«Մենք միմյանց ըստ հավատքի չենք բաժանում։ Մենք միշտ ասում ենք. «Եթե կարիքավոր ես` եղբայրս ես»», –նշում է Մարայատին։
Հայկական համայնքին մեծ ցավ է պատճառել Դեր Զորիր, Ալ-Ռակկայի, Քեսաբի հայկական եկեղեցիների ոչնչացումը։ Դեր Զորում բազում հայկական գերեզմանատներ կային։ Գրոհայինները նաև դրանք են վերացրել։
Հռոմում եպիսկոպոս Մարայատին հանդիպել է Ֆրանցիսկոս պապի հետ։ Հռոմի պապը սեղմել է նրա ձեռքն ու ասել է. «Ամուր կաց, առաջ գնա»։ «Նա միշտ հիշում է Սիրիայի մասին»,–, եզրափակում է հայր Բուտրոսը։
