Նյու Յորքի Սուրբ Վարդան եկեղեցին

Հայերը շատ համառ են. Սուրբ Վարդանը կանգուն է մնացել Նյու Յորքի «բետոնե ջունգլիների» մեջ

239
(Թարմացված է 13:51 28.02.2018)
Ճանապարհորդությունների մասին հայտնի պարբերականը համեմատում է Նյու Յորքի սրտում գտնվող ХХ դարում կառուցված հայկական Սուրբ Վարդան եկեղեցին Էջմիածնի VII դարի Սուրբ Հռիփսիմեի հետ։

ԵՐԵՎԱՆ, 27 փետրվարի — Sputnik. Նյու Յորքի սրտում գտնվող Սուրբ Վարդան եկեղեցին ավելի է սազում Հայաստանի կանաչ լեռնային լանջերին, քան մեգապոլիսի «բետոնե ջունգլիներին», գրում է ամերիկյան Atlas Obscura ճանապարհորդական պարբերականը։

Ինչպես նշում է հոդվածի հեղինակը, նույնիսկ ավելի քան 36 մետր բարձրության վրա եկեղեցին ծածկում են Մանհեթենի որոշ երկնաքերեր։

«Բավական է միայն հայտնվել հրաշալի շինության տարածք, մտնել այնտեղ, և ձեզ կթվա` քաղաքը մնացել է հետևում, և դուք հայտնվել եք մեկ այլ աշխարհում։ Եկեղեցին հայկական արտասովոր գյուղերից մեկում ծվարած հազար տարվա վանքի է նման։ Իրականում, այն 681 թվականին կառուցած Հայաստանի Սուրբ Հռիփսիմե եկեղեցու ժամանակակից վերարտադրությունն է», – գրված է հոդվածում։

Հեղինակն ավելացնում է, որ տաճարի շուրջ զբոսնելիս` պատերից մեկի վրա կարելի է նկատել փորագրված 1966 թվականը։ Քիչ այնկողմ նույն տարեթիվն է, միայն թե հայկական տառերով գրված` «ՌՆԺԵ»։

«Հսկայական քարե շենքի վրա ոսկեզօծ գմբեթն է։ Ներքին հարդարանքը գեղեցիկ որմնանկարներում ու ապակենախշերն են կազմում։ Եկեղեցին հայկական բացառիկ ճարտարապետությանը բնորոշ երկու առանձնահատկություն ունի։ Նախ` կրկնակի հատվող կամարներ են ողջ ներքին տարածքում, ինչի շնորհիվ մյուս խոշոր եկեղեցիների մեծամասնությանը բնորոշ սյուների անհրաժեշտություն չկա։ Երկրորդը` 36.5 մետրանոց բրգաձև գմբեթը, որը նույնպես պահվում է հատվող կամարների հաշվին», – գրում է նա։

Հրապարակման մեջ խոսվում է նաև եկեղեցու կենտրոնական մուտքի վրա գտնվող հարթաքանդակի մասին, որի վրա պատկերված է Սուրբ Վարդանը`իրանական Սասանյանների (որոնք փորձում էին զրադաշտություն պարտադրել) դեմ հայերի ապստամբության առաջնորդը։

Հոդվածի հեղինակն ուշադրություն է դարձնում այն հանգամանքին, որ Սուրբ Վարդանը պարտվել է մարտում, սակայն հաղթել է պատերազմում, քանի որ պարսիկները հասկացել են` հայերը չափազանց համառ են իրենց հավատքից հրաժարվելու համար։

239
Արսեն Թորոսյան. արխիվային լուսանկար

Արևը չի օգնում. Թորոսյանը Ռուսաստանի առողջապահության նախարարի հետ խոսել է կորոնավիրուսից

122
(Թարմացված է 12:27 06.06.2020)
Ռուսաստանի ու Հայաստանի առողջապահության նախարարները քննարկել են կորոնավիրուսի տարածման հետ կապված իրավիճակը։

ԵՐԵՎԱՆ, 6 հունիսի – Sputnik. Ռուսաստանի առողջապահության նախարար Միխայիլ Մուրաշկոն ՀՀ առողջապահության նախարար Արսեն Թորոսյանի հետ քննարկել է կորոնավիրուսի տարածման հետ կապված իրավիճակը։ Տեղեկությունը հայտնում է ՌԻԱ Նովոստին՝ հղում անելով ՌԴ առողջապահության նախարարությանը։

«Ռուսաստանի առողջապահության նախարար Միխայիլ Մուրաշկոն բանակցություններ է անցկացրել Հայաստանի առողջապահության նախարար Արսեն Թորոսյանի հետ։ Քննարկվել են կորոնավիրուսային վարակի տարածման հետ կապված իրավիճակը, բժշկական օգնության կազմակերպման ու դեղորայքի ապահովման հարցերը», - նշված է հաղորդագրության մեջ։

Մամուլի ծառայությունից նշել են, որ Մուրաշկոն հայ գործընկերոջը հայտնել է կորոնավիրուսի բուժման վերաբերյալ նոր մեթոդական խորհուրդների նոր վարկածի թողարկման ու COVID-19-ի բուժման համար նախատեսված` ռուսական արտադրության նոր դեղորայքի գրանցման մասին։

Թորոսյանը նշել է, որ ամառն ու Հայաստանում օդի ավելի քան 30 աստիճան ջերմաստիճանը դրական ազդեցություն չեն ունեցել կորոնավիրուսի տարածման դինամիկայի ու վարակվածների թվի վրա։

Հիշեցնենք` ՀՀ վարչապետ Նիկոլ Փաշինյանն ասել էր, որ համաճարակային վիճակը երկրում վատանում է, բուժհաստատությունները չեն կարողանում ժամանակին հիվանդանոց տեղափոխել կորոնավիրուսով հիվանդ մարդկանց, որոնք դրա կարիքն ունեն։

Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։

Այս պահին փաստացի բուժում է ստանում 8385 մարդ, կատարվել է 66 674 թեստավորում, առողջացել են վարակվածներից 3720–ը։

Ընդհանուր առմամբ գրանցվել է 190 մահվան դեպք։

Հայաստանում կորոնավիրուսով վարակման 25-ից 30 հազար ասիմպտոմ դեպք կա․ Փաշինյան

122
թեգերը:
ՀՀ Առողջապահության նախարարություն, Ռուսաստան, Նախարար, Հայաստան, կորոնավիրուս, Արսեն Թորոսյան
թեմա:
Կորոնավիրուսը Հայաստանում և Արցախում
Ըստ թեմայի
Արևմուտքն արգելել է օգնության խնդրանքով դիմել Ռուսաստանին. Լավրով
Ռուսաստանում COVID-19–ի դեմ սկսել են «յոգուրտանման» պատվաստանյութ մշակել
Վրաստանն իր օգնությունն է առաջարկել Հայաստանին կորոնավիրուսի դեմ պայքարում
Լաբորատորիա, արխիվային լուսակար

Արդյունք կա․ «Սկլիֆում» COVID-19-ը բուժելու փորձարարական միջոց են կիրառում

66
(Թարմացված է 12:11 05.06.2020)
Ռուս գիտնականները հելիումով կորոնավիրուսային վարակի բուժման համար օգտագործման մեթոդ են մշակում։ Փորձարկումներն անցկացվում են մոսկովյան ԳՀԻ-ներից մեկում։

ԵՐԵՎԱՆ, 6 հունիսի — Sputnik. Մոսկվայի Սկլիֆասովսկու անվան Շտապօգնության գիտահետազոտական ինստիտուտն առաջին բուժհաստատությունն է, որտեղ կիրառում են հիպերբարիկ (գերճնշումային) օքսիգենացիայի (թթվածնացման) օգնությամբ COVID-19-ի բուժման փորձարարական մեթոդը։ Այս տեղեկությունը նշված է Մոսկվայի առողջապահական դեպարտամենտի կայքում։

Նշվում է, որ քսանհինգ պացիենտներ արդեն ավելի քան հարյուր հատուկ սեանս են անցել։ 

Գիտահետազոտական ինստիտուտի տնօրենն ասել է, որ ՀԲՕ սենասները մեկ այլ թերապիայի հետ են համադրում։

Առաջին արդյունքները տեսանելի են․ սեանսից հետո պացիենտի ինքնազգացողությունը լավանում է, շնչահեղձությունը նվազում է, արյան մեջ ավելանում է թթվածնի քանակը։

Գիտնականները գտել են աշխարհում զանգվածային մահացության ամենահավանական պատճառներից մեկը

Բացի այդ, հիպերբարի թթվածինն ավելացնում է հակավարակային ու հակամանրէային թերապիայի ազդեցությունը, նաև նվազեցնում է դրա կողմնակի ազդեցությունները։ Այդ ամենը նպաստում է հիվանդների ապաքինմանը։

Պաշտոնական տվյալներով՝ Ռուսաստանում կորոնավիրուսով վարակվածության 441 108 դեպք է բացահայտվել։ Մահվան ելքերը 5 384-ն են։

Գիտնականները հայտարարել են, որ կորոնավիրուսին 100%-ով հակազդող հակամարմին են հայտնաբերել

66
թեգերը:
կորոնավիրուս, գիտնական, Ռուսաստան
թեմա:
Կորոնավիրուսը Չինաստանում և աշխարհում
Ըստ թեմայի
Գիտնականներին հաջողվել է գտնել կորոնավիրուսի թույլ կողմերը
Մեղավորը մարդն է. բրազիլացի գիտնականը խոսել է համավարակների առաջացման պատճառների մասին
Ռուս գիտնականները կորոնավիրուսի դեմ պատվաստանյութը փորձարկել են իրենց վրա
Ո՛չ ջերմություն, ո՛չ հազ. գիտնականները պարզել են կորոնավիրուսի ամենատարածված ախտանիշը
Լիլիթ Մակունց. արխիվային լուսանկար

«Մեր պաշտոնը չենք օգտագործել բիզնեսներ հիմնելու ու խլելու համար»․ Մակունցը՝ Ծառուկյանին

19
(Թարմացված է 13:16 06.06.2020)
Լիլիթ Մակունցը վստահ է, որ որոշ մարդիկ կորոնավիրուսով պայմանավորված իրավիճակում փորձում են բարձրագոչ ելույթներ ունենալ, ներկայացնելով, իբր իրենք դա անում են «հանուն ժողովրդի ու պետության»։

ՐԵՎԱՆ, 6 հունիսի — Sputnik. ԱԺ «Իմ քայլը» խմբակցության ղեկավար Լիլիթ Մակունցը Facebook-ի իր էջում անդրադարձել է ԲՀԿ առաջնորդ Գագիկ Ծառուկյանի հայտարարություններին, դրանք որակելով «պատերազմական վիճակում դավադիր գործողություններ» պետության դեմ։

«Որոշ քաղաքական ուժերի մոտ այդպես էլ չի ստացվում ճիշտ քաղաքական հաշվարկ անել: Վարչապետի՝ կորոնավիրուսով վարակված լինելու հանգամանքի վրա բոլոր խաղադրույքները դնելը և կառավարող ուժի դեմ համավարակի պայմաններում կոնսոլիդացիայի կոչ անելը՝ քաղաքական ու անձնական մղումներին հագուրդ տալու նպատակով, նույնն է, ինչ պատերազմական վիճակում դավադիր գործողություններ ձեռնարկելը պետության դեմ»,-նշել է Մակունցը։

Նրա խոսքով՝ որոշ մարդիկ ստեղծված իրավիճակը փորձում են հրամցնել «երկրի մասին մտածողների, հանուն ժողովրդի ու պետության» բարձրագոչ ելույթներով:

«Այո՛, չունենք թալանի ու կոռուպցիայի մեջ թաթախված լինելու փորձ:Այո՛, չունենք ապարանքներ, և մեր պաշտոնը չենք օգտագործել բիզնեսներ հիմնելու ու խլելու համար: Այո՛, չենք կեղեքում ու չենք թալանում: Եվ, այո՛, հաղթահարելու ենք այս վիճակը»,-շեշտել է «Իմ քայլը» խմբակցության ղեկավարը:

Նա ափսոսում է, որ «Բարգավաճ Հայաստան» խմբակցության ղեկավարն իրեն դիտարկում է ոչ թե Հայաստանի իշխանությունների և քաղաքացիների հետ այս ծանր իրավիճակը հաղթահարողի դիրքում, այլ որպես մերժված, բայց վերականգնվել ցանկացող քաղաքական խմբերի մի մասնիկ:

Հիշեցնենք` երեկ ԲՀԿ առաջնորդ Գագիկ Ծառուկյանն ասել էր, որ իշխանության անդամների 100 տոկոսը պետք է փոխվի, քանի որ բոլոր ոլորտները ձախողված են։

Նրա խոսքով` կառավարությանը հնարավորություն էր տրված, որ կարողանար ժողովրդի սպասելիքներն իրականացնել, սակայն ոչինչ չի ստացվել։

Երեկ ՀՀ վարչապետ Նիկոլ Փաշինյանի խոսնակ Մանե Գևորգյանն արձագանքել էր «Բարգավաճ Հայաստան» կուսակցության նախագահ Գագիկ Ծառուկյանի հայտարարությանը։

Նա ասել էր, որ կարծում է` պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային:

Նրա խոսքով՝ եթե Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է։

Նշենք`հունիսի 2-ին ՀՀ քննչական կոմիտեն հայտնել էր, որ «Երևանի Արարատ կոնյակի-գինու-օղու կոմբինատի» տնօրենին մեղադրանք է առաջադրել երկու հոդվածով` ապացույցները կեղծելու և գույքային վնաս պատճառելու համար։

Գագիկ Ծառուկյանին պատկանող ընկերության տնօրենին 2 հոդվածով մեղադրանք է առաջադրվել

19
թեգերը:
կորոնավիրուս, Գագիկ Ծառուկյան, Նիկոլ Փաշինյան, Լիլիթ Մակունց
Ըստ թեմայի
Ամեն ինչ թափվելու է անդունդը. Ծառուկյան
Ի՞նչ պատժամիջոցներ կկիրառվեն Ծառուկյանի նկատմամբ, եթե նա հրաժարվի վճարել աշխատակիցներին
«Մենք չենք կարծում, որ վեթինգի գործընթացը տապալվել է»․ Մակունց