ԵՐԵՎԱՆ, 15 փետրվարի — Sputnik. Ամերիկահայ հեռուստաաստղ Քիմ Քարդաշյանը Twitter-ի իր միկրոբլոգում արձագանքել է Ֆլորիդայում տեղի ունեցած ողբերգությանը, որտեղ հրաձգության հետևանքով 17 դպրոցական էին մահացել։
«Մենք պարտավոր ենք պաշտպանել մեր երեխաներին և ուսուցիչներին այն ժամանակ, երբ նրանք գտնվում են դպրոցում։ Աղոթքները չեն օգնի, կփրկեն միայն գործողությունները», — գրել է Քարդաշյանը` դիմելով ԱՄՆ-ի կոնգրեսին ու պահանջելով «անել իրենց գործը»` պաշտպանել ամերիկացիներին անիմաստ բռնությունից։
We owe it to our children and our teachers to keep them safe while at school. Prayers won't do this: action will. Congress, please do your job and protect Americans from senseless gun violence
— Kim Kardashian West (@KimKardashian) 15 февраля 2018 г.
Չորեքշաբթի ԱՄՆ-ի Փարքլենդ քաղաքի դպրոցի նախկին աշակերտներից մեկը` 19 տարեկան Նիկոլաս Կրուզը, կրակ է բացել ուսումնական հաստատությունում։ Նրա արձակած կրակոցների հետևանքով մահացել են 17 մարդ։
Ինչպես հաղորդել են բժիշկները, տուժածներից երեքը ծայրահեղ ծանր վիճակում են։
Շերիֆը հաստատել է հրաձգության մեջ կասկածյալի ձերբակալությունը, որը եղել է այդ դպրոցի նախկին աշակերտ, 1999թ. ծնված Նիկոլաս Քրուզը։ Դեռահասին հեռացրել են դպրոցից կարգապահության խնդիրների պատճառով։
Քիմ Քարդաշյանը միշտ օգտագործել է իր ազդեցությունը` սոցցանցերում սոցիալական կարևորություն ունեցող հարցերի նկատմամբ ուշադրություն գրավելու համար։ Մասնավորապես, հեռուստաաստղը բազմիցս հայտարարել է, որ դեմ է ԱՄՆ-ում զենքի ազատ վաճառքին։