ԵՐԵՎԱՆ, 23 նոյեմբերի — Sputnik. Վենետիկյան քաղաքային կայքերից մեկը հոդված է գրել Ստալինի` այն ժամանակ երիտասարդ Կոբայի, Սուրբ Ղազար կատարած ճանապարհորդության մասին։

1907թ.–ի հունվարին երիտասարդ վրացին օդեսական նավից իջնում է Անկոնի նավահանգիստ։ Կապույտ աչքեր, մուգ մազեր, անխնամ մորուք։ Իտալերեն նա չգիտեր, տիրապետում էր անգլերեն, ռուսերեն, վրացերեն և հայերեն լեզուներին։ Նա Կոբան էր` Իոսիֆ Ջուղաշվիլին։ «Ստալին» դարձավ ավելի ուշ` 1913–ից։

cult-turist

Euronews-ը պատմել է «Վենետիկի հայկական կղզու» մասին

Այցելեց Կոբան «Ռոմա է Պաչե» հյուրանոց, որը նայում էր Ադրիատիկ ծովին։ Այստեղ նա զբաղեցրեց հյուրանոցի դռնապանի «պաշտոնը»։ Պատմում են, որ տարիներ անց Ստալինի «գլխավերևի» սենյակում է հանգրվանել Մուսոլինին` Անժելիկա Բալաբանովայի հետ։

Բայց այստեղ Կոբան երկար չմնաց։ Նա մեկնեց Վենետիկ։

Սուրբ Ղազար կզղու Մխիթարյան միաբանության հայ միաբաններն արդեն սպասում էին նրան։ Իոսիֆը նրանց մոր «վերանվանվեց» Բեպպե (Ջուզեպպեի անվանումից), իսկ Ջուղաշվիլին դարձավ «Ջիասսո»։ Գուցե և չիմանալով` միաբանները տեղին անվանակոչություն են արել. տեղի բարբառով ջիասսո նշանակում է սառույց։ Հոգևորականներ Իգնատիոս Ջուրեկյանն ու նրա եղբայրը Ստալինին ճանաչում էին որպես պոետ և խմբերգիչ։

Ապաստան տալու համար որպես երախտագիտություն Կոբան ժամհար ու սպասավոր դարձավ, նա եկեղեցում մաքրություն էր անում։ Բայց հոգին բանաստեղծությամբ էր լցված. նա գիշերն էր գրում, սիրում էր նաև գիշերային զբոսանքները։

Սակայն շուտով «սառցե Իոսիֆի» մոտ ցանկություն առաջացավ չենթարկվել ոչ ոքի։ Նա իր ձևով էր զանգերը հնչեցնում` ուշադրություն չդարձնելով եղբայրության հաստատած կարգին։ Վանականները ինքնագլուխ Ստալինին չհանդուրժեցին ու ապագա «ժողովուրդների հայրը» վանքից դուրս շպրտվեց։ Այնտեղից նա Բեռլին մեկնեց։

Սակայն «ստալինյան հետքը» Անկոնում տասնյակ տարիներ մնաց։ Երբ լրագրող Ռաֆաելե Սալինարին մինչ այժմ գործող «Ռոմա է Պաչե» հյուրանոցի ճեմասրահում էր, տեղական թերթի 1957 թվականի համար տեսավ, որտեղ գրված էր մեծ առաջնորդի հերթապահությունը։

Վենետիկցիներին շատ հետաքրքրեց այս թեման, նրանք չեն պատրաստվում կանգ առնել։ «Մենք կգնանք Թիֆլիսի բանկի կողոպուտի, 1907 թվականի Էրիվանի հրապարակում տեղի ունեցած պայթյունի հետքերով։ Չի բացառվում, որ հաջորդ պատմության մեջ մենք կտեսնենք Ստալինին Կապրիում, Գորկու տանը… Կամ կրկին հայերի մոտ` Վենետիկում, որտեղ նա փորձում էր գտնել գողացված թղթադրամները», – գրում է հոդվածի հեղինակ Ֆրանկո Կորեն։

Շարունակելի` խոստանում է նա։

ԵՐԵՎԱՆ, 3 մարտի - Sputnik. Բարձրագույն դատական խորհրդի նախագահ Ռուբեն Վարդազարյանն այսօր խորհրդարանում ներկայացնելու է Վճռաբեկ դատարանի դատավորների թեկնածուներին:

Բայց մինչ պատգամավորները կսկսեին թեկնածուներին հարցեր տալ նրանց ապագա գործունեության մասին, օգտվելով առիթից` սկսեցին իրենց հետաքրքրող հարցերի պատասխանները պահանջել Վարդազարյանից:

© Sputnik / Asatur Yesayants

ԱԺ-ն ընդունեց Ադրբեջանին ուղղված հայտարարությունը, որը քննարկվել էր փակ դռների հետևում

«Իմ քայլը» խմբակցության պատգամավորներից Արթուր Հովհաննիսյանը հիշեց ԲԴԽ նախագահի՝ 2020 թ-ի նոյեմբերի 15-ի հայտարարությունը և փորձեց ճշտել՝ արդյո՞ք այն քաղաքական չէր՝ հիշեցնելով, որ այդ օրը պետք է տեղի ունենար ԱԱԾ նախկին տնօրեն ու Վարդազարյանի վաղեմի ընկեր Արթուր Վանեցյանի կալանքի հարցով դատական նիստը:

ԲԴԽ նախագահը հիշեցրեց, որ իր ղեկավարած կառույցը հաշվետու չէ ԱԺ-ին ու հավելեց. «Հետևաբար ես պարտավոր չեմ պատասխանել քաղաքական բնույթի հարցերի: Պատրաստ եմ պատասխանել բոլոր այն հարցերին, որոնք վերաբերում են այն թեկնածուներին, որոնց ներկայացնելու համար ես այսօր ներկայացել եմ»:

ԱԺ նիստը վարող փոխնախագահ Ալեն Սիմոնյանը ԲԴԽ նախագահին կոչ արեց պատասխանել հարցերին:

«Կարող եք ընդհանրապես չպատասխանել, և մենք ու քաղաքացիները մեր հետևություններ կանենք, բայց ես կոչ եմ անում այնուամենայնիվ պատասխանել»,- ասաց նա:

ԲԴԽ նախագահին ուղղված հարցերի տարափից զայրացած անկախ պատգամավոր Գևորգ Պետրոսյանն էլ տեղից հարց ուղղեց Վարդազարյանին. «Ինչո՞ւ է աղմկում գետը»:

Ալեն Սիմոնյանը խնդրեց տեղից չմիջամտել. «Պարոն Պետրոսյան, ես ձեր հարցերի խորությունը մշտապես նկատել եմ, բայց ձեր գետի հետ կապված խնդրում եմ տեղից չխոսել»:

«Իմ քայլի» պատգամավոր Արեն Մկրտչյանն էլ հարց ուղղեց ԲԴԽ նախագահին. «Դուք գիտե՞ք` որտեղ եք գտնվում»:

Վարդազարյանն էլ հայտնեց, որ որևէ կանոն չի խախտել ու նշեց դատավորների գործունեության ու վարքագծի կանոնները սահմանող մի շարք օրենքների հոդվածներ:

«Այդ վարքագծի կանոններից ելնելով՝ ես ունեմ զսպվածության սահման, և այդ զսպվածության սահմանը որևէ կերպ չեմ անցնելու, որքան էլ ինձ փորձեք դրդել դեպի քաղաքական քննարկում»,- ասաց ԲԴԽ նախագահը:

Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Սամվել Գրիգորյանի, Արմեն Հայկյանցի և Արսեն Մկրտչյանի թեկնածությունները, որոնք նախատեսվում է քննարկել ընթացող քառօրյա նիստերի օրակարգում: