Իրմա

Հայերն ու «Աբրահամ Լինքոլնը» պայքարում են «Իրմայի» դեմ

169
(Թարմացված է 18:51 14.09.2017)
Sputnik Արմենիայի սյունակագիր Սերգեյ Բաբլումյանը պատմում է, թե «Իրմա» փոթորիկն ինչ հնարավոր հետևանքներ կարող է ունենալ հայերով բնակեցված ամերիկյան նահանգում:

Ինչպես պատմում է Մարինա Կուտոյանը, որը կարողացել է ընտանիքի հետ ժամանակին մեկնել Միչիգան, նահանգից հեռանալը գրեթե անհնար է. բոլոր օդանավակայանները լեփ-լեցուն են: Նույն վիճակն է նաև ավտոճանապարհներին. խցանումները ստիպում են շարժվել կրիայի արագությամբ:

Իսկ այդ ընթացքում «Իրմայի» արագությունը հասնում է ժամում երեք հարյուր կիլոմետրի, ինչը նշանակում է, որ փոթորիկը հեշտությամբ կհասնի ցանկացած ավտոմեքենայի հետևից, եթե անգամ խոսքը վերաբերում է «Ֆերարիին»: Այս ամենին գումարվել է նաև վառելիքի հետ կապված խնդիրը. բոլոր բենզակայաններում հերթապահում են ոստիկանները, որպեսզի խուսափեն բենզինի պատճառով ծագած վեճերից:

Թե ինչերի է ընդունակ «Իրման», կարելի է շատ հեշտ հասկանալ Բարբուդային նայելու դեպքում, ավելի ճիշտ՝ ոչ թե Բարբուդային, այլ նրան, ինչ մնացել է Կարիբյան ծովի դրախտային կղզուց: Կարելի է ասել՝ ոչինչ չի մնացել: Իսկ փոթորիկն արդեն մոտենում է Ֆլորիդայի հարավային հատվածին, որտեղ, ի տարբերություն քիչ բնակեցված Բարբուդայի, ավելի քան վեց միլիոն մարդ է ապրում, որոնց թվում քիչ չեն նաև հայերը: Մարինա Կուտոյանը, բնականաբար, չգիտի՝ քանի մարդ է կարողացել փախչել վտանգից, բայց վստահ է, որ իր ընտանիքի վաղեմի բարեկամ ու տեղի խաղատներից մեկի աշխատակից Անդրանիկի անվտանգությունն ապահովված է:

«Խաղատան տնօրինությունն իր աշխատակիցներին իջեցրել է գումարների համար նախատեսված բունկեր, որտեղ կարելի է լիակատար անվտանգության պայմաններում սպասել փոթորկի ավարտին»,- ասում է Կուտոյանը:

Իսկ տարերային աղետը վտանգավոր է ոչ միայն մարդկանց, այլև կենդանիների համար: Տեղի դելֆինարիումի դելֆիններին արդեն տարհանել են և տեղափոխել անվտանգ գոտի: Իսկ այ վայրի բնության գրկում ապրող կոկորդիլոսների դեպքում բարդ է, ընդ որում' ոչ միայն կենդանիների, այլ նախևառաջ մարդկանց համար:

Որտեղի՞ց հայտնվեց «Իրման»: Գիտնականների բացատրության համաձայն՝ պատճառը սեպտեմբերի 6-ին արևի վրա տեղի ունեցած խոշոր պայթյունն էր, որից հետո Ատլանտյան օվկիանոսում ձևավորված թայֆունն ուժգնության չորրորդ կարգից հասավ առավելագույն հինգերորդի:

Այս տարածաշրջանում փոթորիկների շրջանը տևում է սովորաբար հունիսի 1-ից նոյեմբերի 30-ը: Տարերային աղետը սեփական անունն է ստանում և մրրիկ կոչվում, եթե քամու արագությունն էպիկենտրոնում հասնում է վայրկյանում տասնյոթուկես մետրի: Իսկ երբ արագությունը վայրկյանում հասնում է 33 մետրի, ուրեմն խոսքն արդեն փոթորկի մասին է:

Փորձագետները հաշվել են՝ փոթորկի հասցրած վնասը կարող է հասնել 13 միլիարդ դոլարի:

Վերջին լուրերից

Ֆլորիդայի ափեր է ուղարկվել ռազմական նավերի մի խումբ՝ «Աբրահամ Լինքոլն» ատոմային ավիակրի գլխավորությամբ:

ՌԴ ԱԻՆ-ի ղեկավար Վլադիմիր Պուչկովը հայտարարել է, որ իր գլխավորած գերատեսչությունը պատրաստ է օգնել Կարիբյան ավազանի երկրներին, որոնք տուժել են «Իրմա» փոթորկից: Կիրակի առավոտյան «Իրման» կծածկի Ֆլորիդան, որտեղ արդեն թեմատիկ տորթ է վաճառվում. «Իրմա՛, հեռացիր»: Փոթորիկը մնում է փոթորիկ, բիզնեսն էլ՝ բիզնես:

169
թեմա:
Գեղեցիկ անուններով, բայց մահաբեր փոթորիկները (5)
Հայաստանում ԱՄՆ դեսպանատուն

Հայաստանում ԱՄՆ դեսպանատունն իր քաղաքացիներին զգոնության կոչ է արել

12
Նման կոչեր պարբերաբար հնչել են արցախյան 44–օրյա պատերազմից առաջ, ընթացքում և հետո։

ԵՐԵՎԱՆ, 16 հունիսի - Sputnik. Հայաստանում ԱՄՆ դեսպանատունը Facebook–ի էջում իր քաղաքացիներին զգոնության կոչ է արել։

«Հաջորդ երկու շաբաթվա ընթացքում ընտրություններին առնչվող ցույցեր կամ հանրահավաքներ կարող են տեղի ունենալ Երևանում և Հայաստանի այլ վայրերում: ԱՄՆ քաղաքացիները պետք է զգոնություն ցուցաբերեն, խուսափեն մարդկանց բազմությունից և մշտապես զգոն ու տեղյակ լինեն իրենց շրջապատից», - ասվում է հայտարարության մեջ։

Նշվում են ցանկալի գործողությունները՝ խուսափելը բաց տարածքներից և մարդկային բազմություններից, հետևելը տեղական լրատվամիջոցներին՝ թարմացումների համար, տեղեկացնելը անվտանգության մասին ընկերներին և ընտանիքին:

Աջակցության համար ԱՄՆ քաղաքացիները կարող են դիմել Երևանում ԱՄՆ դեսպանատուն։

Նշենք, որ նման զգոնության կոչեր ԱՄՆ դեսպանատան կողմից պարբերաբար հնչել են արցախյան 44–օրյա պատերազմից առաջ, ընթացքում և հետո։

Հիշեցնենք` հունիսի 20–ին Հայաստանում անցկացվելու են արտահերթ խորհրդարանական ընտրություններմ որոնց մասնակցելու հայտ է ներկայացրել 21 կուսակցություն և 4 դաշինք։ 

Հունիսի 7–ից մեկնարկել է նախընտրական քարոզարշավը, որը կավարտվի ընտրություններից մեկ օր առաջ` հունիսի 19–ին։

Բլինկենը ողջունել է 15 գերիներին Հայաստանին փոխանցելը և շնորհակալություն հայտնել Վրաստանին

12
թեգերը:
Ընտրություններ, դեսպանատուն, ԱՄՆ, Հայաստան
Ըստ թեմայի
ԱՄՆ–ն Լեռնային Ղարաբաղի հարցով գործակցում է Ռուսաստանի հետ. դեսպան
«Լսե՞լ ենք որևէ գերու վերադարձի մասին». մտավորականները նամակ ուղարկեցին ԱՄՆ դեսպանին
ԱՄՆ-ն պատրաստ է օգտակար լինել գերիների փոխանակման գործընթացում. դեսպան
Լևոն Տեր-Պետրոսյանն իր առանձնատանը ընդունել է ԱՄՆ դեսպանին
Պուտինն ու Բայդենը

Պուտինն ու Բայդենը համատեղ հայտարարություն են ընդունել

38
(Թարմացված է 21:13 16.06.2021)
Վլադիմիր Պուտինի և Ջո Բայդենի հանդիպման արդյունքում ընդունվել է միայն մեկ փաստաթուղթ՝ առաջնորդների համատեղ հայտարարությունը:

ԵՐԵՎԱՆ, 16 հունիսի – Sputnik. Ռուսաստանն ու ԱՄՆ-ն առաջիկայում համալիր երկխոսություն կսկսեն ռազմավարական կայունության թեմայով։ Այդ մասին ասված է Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի համատեղ հայտարարության մեջ։ Տեղեկությունը հայտնում է ՌԻԱ Նովոստին:

«Նման երկխոսության միջոցով մենք ձգտում ենք սպառազինությունների նկատմամբ ապագա վերահսկողության և ռիսկերի նվազեցմանն ուղղված միջոցառումների հիմք դնել», - նշված է փաստաթղթում:

Ըստ հայտարարության` ՌՀՍ-ի մասին պայմանագրի վերջին երկարաձգումը վկայում է միջուկային սպառազինությունների նկատմամբ կողմերի հանձնառության մասին: Ռուսաստանն ու ԱՄՆ-ը ցույց են տվել, որ նույնիսկ լարվածության ժամանակ կարող են առաջընթացի հասնել ռազմավարական ոլորտում կանխատեսելիության ապահովման, զինված հակամարտությունների ռիսկերի նվազեցման և միջուկային պատերազմի սպառնալիքի համատեղ նպատակների իրականացման գործում:

Պատվիրակություններից մեկի աղբյուրը գործակալությանը հայտնել է, որ գագաթնաժողովի արդյունքներով ընդունվել է միայն մեկ փաստաթուղթ:

Հիշեցնենք` Ռուսաստանի և ԱՄՆ-ի նախագահների հանդիպումը կայացել է այսօր Ժնևում Լա Գրանժ դղյակում: Սա նրանց առաջին հանդիպումն է Բայդենի` ԱՄՆ նախագահ դառնալուց հետո։

Բայդենը գլխով չի արել ի պատասխան այն հարցին, թե հավատո՞ւմ է արդյոք Պուտինին․ Սպիտակ տուն

 

38
թեգերը:
Վլադիմիր Պուտին, Ջո Բայդեն, Ռուսաստան, ԱՄՆ