Բարսելոնա

Իսպանիայի գահակալը կմասնակցի Բարսելոնայի ցույցին

22
Օրեր առաջ Կատալոնիայում 15 մարդու կյանք խլած ահաբեկչության դեմ խաղաղ երթի են դուրս եկել տասնյակ հազարավոր բնակիչներ: Ցույցին կմասնակցի նաև Իսպանիյի թագավորը:

ԵՐԵՎԱՆ, 26 օգոստոսի-Sputnik. Ավելի քան 16 հազար իսպանացի խաղաղ երթի է դուրս եկել՝ ընդդեմ իրենց երկրում տեղի ունեցած ահաբեկչության: Այս մասին Sputnik Արմենիան տեղեկանում է ֆրանսիական lemonde.fr պարբերականից:

Իսպանիայի վարչապետ Մարիանո Ռախոն բոլորին կոչ է արել մասնակցել երթին:

Ցուցարարները բազմաթիվ լեզուներով պաստառներ են պահել իրենց ձեռքում՝ «Ես չեմ վախենում» գրությամբ:

Առավել հետքրքիրն այն է, որ ցույցին կմասնակցի նաև Իսպանիայի թագավոր Ֆիլիպ VI-ը: 1975 թվականից ի վեր նա միակ թագավորն է, որ մասնակցում է նման միջոցառումների:

Ցույցի մասնակիցներին կբաժանվեն կարմիր, դեղին և սպիտակ ծաղիկներ, որոնք խորհրդանշում են Բարսելոնան:

Հիշեցնենք, որ օգոստոսի 17-ին կատալոնական Կամբրիլսում և Բարսելոնայի Լա Ռամբլա փողոցում տեղի ունեցավ ահաբեկչություն: Զոհվեց 15 մարդ, իսկ վիրավորների թիվն անցավ 126-ից: Նրանցից վեցը մինչև օրս հոսպիտալացված են ու գտնվում են ծայրահեղ ծանր վիճակում:

 

22