Ռուսաստանը պատրաստ է պաշտպանել ուկրաինաբնակ օդաչու Ակոպովին` իր հայրենիքի կշտամբանքներից
(Թարմացված է 16:38 01.08.2017)
Ուկրաինաբնակ օդաչու Ալեքսանդր Ակոպովը հերոսություն է գործել` ինքնաթիռը կոտրված դիմացի ապակիով առանց տեսանելիության անվտանգ վայրէջքի տանելով։ Հայրենիքում նրան սկզբում փառաբանեցին, հետո` պարսավեցին։ԵՐԵՎԱՆ, 1 օգոստոսի — Sputnik. Ռուսաստանի արտաքին գործերի նախարարությունը սատարել է հայրենիքում խիստ քննադատության արժանացած ուկրաինաբնակ օդաչու Ալեքսանդր Ակոպովին, որը մի քանի օր առաջ Ստամբուլի օդանավակայանում, ծանրագույն եղանակային պայմաններում անվտանգ վայրէջք էր կատարել կարկուտից ծեծված ինքնաթիռով։ Նրան քարկոծում են Ռուսաստանին համակրելու համար։
«Ալեքսանդր, այն, ինչ արել եք, քաղաքականությունից դուրս է։ Շնորհակալություն պրոֆեսիոնալիզմի համար։ Եթե հետագայում էլ հայրենիքում Ձեզ քննադատեն` եկեք այստեղ, մենք միշտ ուրախ ենք Ձեզ տեսնել», – ասվում է ԱԳՆ–ի ֆեյսբուքյան էջում։
Ալեքսանդր Ակոպովը անվտանգ վայրէջքի է տարել թուրքական Atlasglobal ավիաընկերության Boeing ինքնաթիռը` ուժեղ կայծակով մրրիկի ժամանակ։ Ինքնաթիռը, որում 121 ուղևոր ու անձնակազմի 6 անդամ կար, դուրս էր եկել Ստամբուլից և ուղևորվում էր դեպի Կիպրոս։ Բարձրություն հավաքելով` ինքնաթիռն ընկել էր կարկուտի տակ, որը վնասել էր և՛ օդաչուի խցիկի ապակին, ինքնաթիռի քթի հատվածը։ Հրամանատարը որոշել է շրջել ինքնաթիռը։
Ավելի ուշ պարզվել է, որ Ակոպովը Դոնեցկի բնիկ է, մինչև 2013 թվականն աշխատել է «Դոնբասաերոում», սակայն 2014 թվականի իրադարձություններից հետո նա աշխատանքի է ընդունվել արտասահմանյան ընկերությունում։ Փորձառու օդաչուն 14 հազար ժամ թռչելու փորձ ունի, 31 տարի աշխատանքային ստաժ։
Ուկրաինայի նախագահ Պյոտր Պորոշենկոն Ակոպովին պարգևատրել է «Արիության» մեդալով, ինչից հետո ուկրաինական սոց ցանցերի օգտատերերը տեսել են Ակոպովի Facebook –ի պրոֆիլի նկարը, որը ՌԴ ԱԳ նախարար Սերգեյ Լավրորվի լուսանկարն է։ Այդ փաստը շատ ուկրաինացի օգտատերեի զայրույթն է առաջացրել, նրանք Ակոպովին մեղադրել են Ռուսաստանին համակրելու մեջ։
Ո՞րն է ամենաօգտակար ապուրը. սննդաբանի խորհուրդը
(Թարմացված է 14:45 02.03.2021)
Սննդաբանի խոսքով ՝ այս ապուրը օգտակար է առողջության համար և նպաստում է իմունիտետի բարձրացմանը: ԵՐԵՎԱՆ, 3 մարտի – Sputnik. Ամենաօգտակար ապուրը ոսպով ապուրն է։ Այս մասին «Զվեզդա» հեռուստաալիքի եթերում ասել է դիետոլոգ Օլգա Դեկերը։
Նրա խոսքով՝ ոսպով ապուրը հարուստ է սպիտակուցներով։
«Չնայած բուսական ծագմանը` այն պարունակում է 12 ամինաթթու, բայց մենք կարող ենք այս ապուրին ավելացնել նաև կենդանական սպիտակուցներ, ինչպիսին է, օրինակ, միսը», - բացատրել է նա ու հավելել՝ ճաշատեսակը հարուստ է նաև մանրաթելերով և ընդհանուր առմամբ օգտակար է առողջության և իմունիտետի համար:
Սննդաբանի խոսքով՝ ամենաօգտակար երկրորդ ուտեստը մսային արգանակով և բանջարեղենով ապուրն է, որի մեջ կարելի է օգտագործել ինչպես թարմ, այնպես էլ սառեցված բանջարեղեն:
Նա խորհուրդ է տվել նաև ավելացնել կանաչ լոբի, դդմիկ, նեխուր, այսինքն՝ ածխաջրերի նվազագույն պարզ խումբ: Իսկ միսն ապուրին նաև սպիտակուցներ և ճարպեր կտա։
2 մլն դոլար փոխհատուցում. Մեգան Մարքլը շահել է բրիտանական պարբերականի դեմ դատը
(Թարմացված է 01:10 03.03.2021)
Դատավորը The Mail on Sunday–ի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։ԵՐԵՎԱՆ, 3 մարտի – Sputnik. Բրիտանիայի արքայազն Հարրիի կինը` Մեգան Մարքլը, դատարանում վերջնական հաղթանակ է տարել Mail On Sunday և MailOnline պարբերականները ներկայացնող Թերթերի միության դեմ։ Այս մասին հայտնում է Express պարբերականը։
©
AFP 2020 / BEN STANSALL
Հրապարակված վճռում դատավոր Մարկ Ուորբին պարբերականի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։
Դատավորը վճռել է, որ պատասխանող կողմը պետք է վճարի դատական ծախսերի 90%–ը, այն է` 1,87 մլն դոլար։
Սասեքսի դքսուհին խնդրել է նաև իրեն փոխանցել նամակի պատճենները, ոչնչացնել դրա բոլոր հիշատակումներն ու պահանջել թերթում ներողություն հրապարակել իրեն վիրավորանք հասցրած նյութերի համար։ Դատարանը դեռ փետրվարի 11-ին էր որոշում կայացրել այն մասին, որ պարբերականները խախտել են գաղտնիությունն ու Մեգանի հեղինակային իրավունքները։
«Նրա հետ Հարրին ծաղկել է»․ Մեգան Մարքլի մասին գրքի հեղինակ
2019 թվականի փետրվարին Մարքլի նամակից որոշ հատվածների հրապարակումը դերասանուհու ու իր հոր (որը ներկա չի գտնվել 2018 թվականի մայիսի 19-ին կայացած նրա հարսանյաց արարողությանը) հարաբերությունների շուրջ հերթական սկանդալի առիթ դարձան։ ԶԼՄ–ների հրապարակած Թոմաս Մարքլի բազմաթիվ արտահայտություններից կարելի է եզրակացնել, որ դուստրը խզել է նրա հետ բոլոր հարաբերությունները։ Հայրը The Mail on Sunday–ին է փոխանցել նամակի տեքստը, որում դքսուհին մեղադրում էր նրան ստի և դստեր մասին կեղծ, սենսացիոն հարցազրույցների վրա գումար աշխատելու փորձի մեջ։