Կարո Փայլան

Թուրքիայի խորհրդարանը կտուգանի «Հայոց ցեղասպանություն» եզրույթն օգտագործող պատգամավորներին

20
Թուրքիայի խորհրդարանի պատգամավորներն այսուհետ կտուգանվեն «Հայոց ցեղասպանություն» բառակապակցությունն օգտագործելու և «թուրք ժողովրդի պատմությունն ու անցյալը վիրավորելու և մեղադրանքներ ներկայացնելու» համար։

ԵՐԵՎԱՆ, 10 հուլիսի – Sputnik. Թուրքիայի իշխող «Արդարություն և զարգացում» և կոալիցիոն «Ազգային շարժում» կուսակցության կողմից պատրաստված խորհրդարանում պատգամավորների վարքի, նիստերի կանոնակարգի ու արտաքին տեսքի հետ կապված փոփոխությունների 18 կետանոց փաթեթում տեղ է գտել նաև «Թուրք ժողովրդի պատմությունն ու Թուրքիայում ապրող ժողովուրդների ընդհանուր անցյալը վիրավորելու և մեղադրանքներ ներկայացնելու» պարագայում պատգամավորների՝ նիստերից ժամանակավոր հեռացման ու աշխատավարձից 12 հազ. թուրքական լիրայի չափով պահման մասին առաջարկը։

Հիմնականում թիրախավորում է հենց 1915թ.-ի դեպքերի մասին խոսելիս ցեղասպանություն եզրույթի կիրառումը։Բայց ավելի ուշ «Ազգային շարժման» անդամների կողմից ավելացվել է նաև «Քուրդիստան» կամ «Քրդական նահանգներ» ձևակերպումներն օգտագործող պատգամավորների դեմ նույն պատժամիջոցը կիրառելու առաջարկը։Թուրքիայի ընդդիմադիր Ժողովրդահանրապետական և Ժողովրդադեմոկրատական կուսակցությունները հայտնել են, որ առաջարկների փաթեթին չեն աջակցի։

Հիշեցնենք, որ Թուրքիայի Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանն ամիսներ առաջ խորհրդարանում սահմանադրական փոփոխությունների վերաբերյալ նախագծի քննարկման ժամանակ ցեղասպանություն եզրույթի կիրառման համար զրկվել էր 3 նիստի մասնակցելու իրավունքից։

Русская версия

20