ԵՐԵՎԱՆ, 3 հուլիսի — Sputnik. Այս օրերին Լոս Անջելեսում կայացավ Գասպար Ավդոլյանի և Լոլիտա Օսմանովայի շքեղ հարսանիքը։ Մեկ օրով Dolby Theatre դահլիճը, որտեղ անցկացվում է «Օսկարի» մրցանակաբաշխությունը, զարդարվել էլ ծաղկեփնջերով, որոնց ընդհանուր արժեքը գնահատվում է մոտ կես միլիոն դոլար, հայտնում է «Կոմսոմոլսկայա պրավդան»։
Արարողությունը վարում էին Անդրեյ Մալախովն ու Քսենիա Սոբչակը։ Ավելի քան հարյուր հյուրերի ժամանցն ապահովում էին հայկական ժողովրդական պարերը, Լեդի Գագան, Ստաս Միխայլովը, Նիկոլայ Բասկովը և այլ հայտնի մարդիկ։
Հյուրերի շարքում են եղել Շերը և ոսկերիչ Լորի Ռոդկինը, որն Instagram-ի իր էջում գրել է․ «Ես լավ չեմ հասկանում՝ ես գտնվում եմ Ռուսաստանում, Հայաստանում թե հայկական «Голос» ծրագրին»։
Գեղեցկուհի հարսը հոլիվուդյան աստղերից պակաս գեղեցիկ չէր․ նրա հիասքանչ հարսանյաց զգեստի շլեյֆը փայլում էր լամպերի լույսի տակ։
Լոլիտայի և Գասպարի հրավիրատոմսերը նույնպես շքեղ էին։ Արարողության նախօրեին սովորական հրավիրատոմսերի փոխարեն հյուրերին ուղարկվել էին ճամպրուկներ, որոնց մեջ «Օսկարի» փոքրիկ արձանիկ էր, իսկ ճամպրուկի վերևի մասում էկրան կար՝ տեսահաղորդագրությամբ։ Ճամպրուկի մեջ կային նաև խաղանիշներ, գրիչ և բուտաֆորական ոսկե սկավառակ, որի վրա գրված էին նորապսակների անունները և միջոցառման վայրն ու ժամը։
