ԵՐԵՎԱՆ, 1 մայիսի — Sputnik. ԱՄՆ նախագահ Դոնալդ Թրամփը կիրակի հաստատել է, որ իր կինը որդու` Բերոնի հետ, ամռանը, ուսումնական տարվա ավարտից հետո, կտեղափոխվեն Սպիտակ տուն, հայտնում է Washington Times-ը։ Ամերիկացի առաջնորդը խոստովանել է, որ երեխայի համար դժվար է լինելու։
«Ես որդի ունեմ, նա փոքր է, դեռ նոր է լրացել 11 տարեկանը։ Նա պետք է ուրիշ դպրոց տեղափոխվի։ Որդիս սիրում է ֆուտբոլ խաղալ իր նյույորքյան թիմում, նրա բոլոր ընկերներն այնտեղ են, ստիպված կլինի թողնել նրանց։ Մենք չէինք ուզում կիսամյակի կեսից որդուս հանել»,- բացատրում է Թրամփը։
Ամերիկայի նախագահի խոսքով` երդմնակալության արարողությունից հետո առաջին 100 օրը իսկական փորձություն էին կնոջ և որդու համար։
«Իհարկե, սա ծանր բեռ է ընտանիքիս համար»,- խոստովանեց նա։
Բացի այդ, Թրամփը քննադատեց ԶԼՄ-ներին՝ կնոջ նկատմամբ ունեցած վերաբերմունքի համար։
«Մամուլն ահավոր վիրավորում էր նրան, դա անարդար է»,- բողոքել է նախագահը։
Ամերիկայի 70-ամյա առաջնորդն, ընդհանուր առմամբ, 5 երեխա ունի երեք ամուսնությունից` երկու դուստր և երեք որդի։ ԱՄՆ 45-րդ նախագահի միակ անչափահաս երեխան Բերոնն է։
