ԵՐԵՎԱՆ, 26 ապրիլի — Sputnik. Ցարական բանակի գեներալի աճյունով դագաղը հայտնաբերել են ժամանակակից Թուրքիայի տարածքում իրականացրած շինարարական աշխատանքների ժամանակ, հայտնում է Hurriet-ը։
Բանվորները Արդահանում բնակելի տան շինարարության ժամանակ կմախք են գտել և այդ մասին հայտնել են ոստիկանությանը։
Կարսում թանգարանի աշխատակիցները ուսումնասիրել են գտածոն՝ ենթադրություն անելով, որ կմախքը կարող է պատկանել 1877-1878 ռուս-թուրքական պատերազմի տարիների ցարական բանակի գեներալի։
Հայտնում են, որ ռուս զինվորականը թաղվել է քրիստոնեական ավանդույթների համաձայն։ Առկա տվյալների համաձայն, փորձաքննությունից հետո գտածոն կփոխանցեն Կարս քաղաքի թանգարան։
