Աբխազիա

Հայերի հաղթանակը Աբխազիայի ընտրություններում

52
(Թարմացված է 20:08 29.03.2017)
Աբխազիայի խորհրդարանական ընտրություններում հաղթանակ տարավ հայկական համայնքի երեք ներկայացուցիչ` Լևոն Գալստյանը, Աշոտ Մինոսյանն ու Լևոն Դաշյանը։ Աբխազիայի խորհրդարանականները մտադիր են խորացնել համագործակցությունը պատմական հայրենիքի հետ։

Լաուրա Սարգսյան, Sputnik.

Աբխազիայի խորհրդարանում քվեարկության երկրորդ փուլով հայ պատգամավորներ ընտրվեցին։ Ընդհանուր առմամբ մեծամասնական համակարգով Աբխազիայի խորհրդարան 136 պատգամավորներից անցան 35-ը։

«Ջենթլմենական համաձայնությամբ 35 օկրուգներից 3-ը ընտրություններին հայ թեկնածուներ են առաջադրում։ Աբխազիայի խորհրդարան անցնելու իրավունքի համար պայքարում էր ութ հայ», — Sputnik Արմենիայի թղթակցի հետ զրույցում ասաց Աբխազիայի խորհրդարանի պատգամավոր Լևոն Գալուստյանը։

Նրանք առաջադրվել են Աբխազիայի խորհրդարանում նախաձեռնողական խմբի անունից, որպես միամանդատ պատգամավորներ և ընտրվել մեծամասնական ընտրական համակարգով։ Գալուստյանը նշեց, որ սրանք մեծամասնական ընտրակարգով անցկացվող Աբխազիայի վերջին ընտրություններն են, հաջորդները կանցկացվեն խառը ընտրակարգով։ Աբխազիայում քիչ են ուժեղ քաղաքական կուսակցությունները, իսկ նրանք, որոնք կան, կշիռ չունեն։

Գալուստյանի խոսքով` թեկնածուներից յուրաքանչյուրը քարոզարշավի իրավունք ուներ, բացի այդ, թեկնածուները աբխազական հեռուստատեսության եթերում անվճար եթերաժամ էին ստանում։ Առաջին փուլի արդյունքներով խորհրդարան անցան Աշոտ Մինոսյանը (այդ պահի դրությամբ գյուղատնտեսության նախարար) և Լևոն Գալուստյանը։ Լևոն Դաշյանը պատգամավոր դարձավ երկրորդ փուլի արդյունքներով։

«Քվեարկության ընթացքին առաջին փուլում որպես դիտորդ մասնակցեց Արցախից ժամանած ներկայացուցչական պատվիրակությունը։ Աբխազիայի և Ղարաբաղի միջև սերտ կապեր են հաստատվել, որոնք մենք մտադիր ենք զարգացնել նաև հետագայում», — ասաց Գալուստյանը։

Հավանաբար, շուտով Աբխազիան և Արցախը համագործակցության մասին արձանագրություն կստորագրեն։ Կողմերը մտադիր են բարեկամության և համագործակցության միջխորհրդարանական խումբ ձևավորել։

Հայ պատգամավորները մտադիր են խորացնել համագործակցությունը պատմական հայրենիքի` Հայաստանի հետ։ Ներկա պահին հայ համայնքը ակտիվ համագործակցում է Հայաստանի կրթության և սփյուռքի նախարարությունների հետ։

«Աբխազիայում 26 հայկական դպրոց է գործում։ Ամեն տարի մեր երեխաները «Արի տուն» ծրագրի շրջանակներում այցելում են Հայաստան», — ասաց Գալուստյանը։

Այսօր Աբխազիայում բնակվում է 42 հազար հայ։ Աբխազիայի հայ համայնքը ավելի քան հարյուրամյա պատմություն ունի։ Այն լավ ինտեգրվել է Աբխազիայի  կյանքին. հայերն աշխատում են Սուխումի մի շարք պետական և հասարակական կառույցներում։

Աբխազիայի ԱԺ-ի ընտրությունները ավարտվեցին մարտի 26-ին։

Русская версия

52