Քենդել Ջեններ

Քարդաշյանի քույրը կողոպուտի զոհ է դարձել

9
(Թարմացված է 10:37 17.03.2017)
Քիմ Քարդաշյանի քույրը հայտարարել է, որ իրեն կողոպտել են այն ժամանակ, երբ ինքը տանն է եղել։ Իրավապահները փորձում են պարզել դեպքի հանգամանքները։

ԵՐԵՎԱՆ, 17 մարտի — Sputnik. Հայտնի հեռուստաաստղ Քիմ Քարդաշյանի կրտսեր քույրը` Քենդել Ջենները, հայտարարել է, որ իր տնից 200 հազար դոլարի թանկարժեք իրեր են գողացել։ Այս մասին հայտնում է TMZ-ն։

Նշվում է, որ հանցագործության պահին Քենդելը տանն է եղել և կասկածելի ձայներ լսելուն պես զանգել է փրկարար ծառայություն։ Սակայն դեպքի վայր ժամանած իրավապահ մարմինների աշխատակիցները կողոպուտի հետքեր չեն հայտնաբերել։

Կասկածյալներ առայժմ չկան, հետաքննություն է ընթանում։ Նշվում է, որ Hollywood Hills շրջանում, որտեղ գտնվում է Ջենների տունը, գողություններ հաճախ են լինում։

Ավելի վաղ Փարիզում կողոպտել էին Ջենների քրոջը` Քիմին։ Գողացել էին 5 մլն եվրոյի թանկարժեք իրերով զարդատուփը, չորս մլն եվրո արժողությամբ մատանին ու երկու բջջային հեռախոս։ Հարձակումն իրականացրած անձինք եղել էին ոստիկանական համազգեստով ու դիմակներով։

Русская версия

9