Էլիֆ Շաֆաք

Թուրք գրող. ինձ դատել են Հայոց ցեղասպանությունը հիշատակելու համար

269
Հետապնդումներն ու հաշվեհարդարի փորձերը դարձել են թուրք գրող Էլիֆ Շաֆաքի կյանքի անբաժանելի մասը, երբ լույս է տեսել նրա «Ստամբուլի բիճը» վեպը, որում հիշատակվում է Հայոց ցեղասպանության մասին:

ԵՐԵՎԱՆ, 7 փետրվարի — Sputnik. Ճանաչված թուրք արձակագիր Էլիֆ Շաֆաքը The Guardian պարբերականին տված հարցազրույցում պատմել է իր նկատմամբ հետապնդումների ու հաշվեհարդարի փորձերի մասին։ Դրանք սկսվել են Թուրքիայում իր` «Ստամբուլի բիճը» հայտնի վեպի (The Bastard of Istanbul) հրապարակումից հետո։

Վեպում արծարծվում է Օսմանյան կայսրությունում Հայոց ցեղասպանության թեման։

«Ստամբուլը հակամարտությունների ու հակադրությունների քաղաք է: Մեր պատմությունը լի է խզումներով, և ամեն նոր եկող իշխանություն սկսում է ջնջելով նախորդ վարչակազմի ժառանգությունը։ Ես գրում էի ազգային փոքրամասնությունների մասին և ցանկանում էի անդրադառնալ անցյալ հարյուրամյակի անպատմելի ողբերգությանը, պատմել Հայոց ցեղասպանության մասին, կիսել ժողովրդի հետ այդ ցավն ու փորձել կամուրջներ կառուցել»,- ասում է Շաֆաքը։

Գրողի խոսքով՝ 2006թ.-ին իր գիրքը սկսել է լայնորեն ընթերցվել ողջ Թուրքիայում, սակայն թուրքական ազգայնական տրամադրություններով ԶԼՄ-ները կոշտ քննադատության են ենթարկել վեպը, իսկ իր նկատմամբ քրեական գործ էր հարուցվել Թուրքիայի Քրեական օրենսգրքի տխրահռչակ 301-րդ հոդվածի հատկանիշներով՝ թրքությունը վիրավորելու համար։

Հեղինակին դատապարտում էին այն բանի համար, որ ստեղծագործության հերոսներից մեկն ապացուցում է Առաջին աշխարհամարտի ընթացքում տեղի ունեցած Հայոց ցեղասպանության փաստը։ Ապացույցների անբավարարության պատճառով` երկու մեղադրանքներն էլ հանվում են Շաֆաքի վրայից։

Դատավարությունը տևել է մոտ 1 տարի։

«Փողոցներում մարդկանց խմբերն այրում էին ԵՄ-ի դրոշն ու թքում իմ լուսանկարների վրա։ Չնայած նրան, որ ինձ դատարանում արդարացրին, դա շատ ծանր ժամանակ էր։ Ես ստիպված էի միշտ շրջել թիկնապահի հետ»,- պատմել է Շաֆաքը։

Русская версия

269
թեմա:
Հայոց ցեղասպանություն (116)