Հենրիխ Մխիթարյանի գոլը

Մխիթարյանը նոկդաունի ենթարկեց չեմպիոնին

0
(Թարմացված է 17:37 06.02.2017)
Հայ կիսապաշտպան Հենրիխ Մխիթարյանը «Մանչեսթեր Յունայթեդ»-«Լեսթեր» հանդիպման առաջին խաղակեսի վերջում լավ արդյունք ցուցաբերեց, իսկ երկրորդ խաղակեսի սկզբում գոլային փոխանցման հեղինակ դարձավ: Խաղն ավարտվեց 3:0 հաշվով:

ԵՐԵՎԱՆ, 5 փետրվարի — Sputnik, Խաչիկ Չախոյան. Անգլիական պրեմիեր լիգայի ամենատիտղոսակիր ակումբը` «Մանչեսթեր Յունայթեդը» երեք անընդմեջ ոչ-ոքիից հետո 24-րդ տուրում հաղթանակ տարավ «Քինգ Պաուեր» մարզադաշտում` երեք անպատասխան գնդակ ուղարկելով «Լեսթեր Սիթիի» դարպասը: Հյուրերի կազմում հերթական անգամ գլխավոր գործող անձանցից մեկը դարձավ Հենրիխ Մխիթարյանը, որը մեկ գոլ և մեկ գոլային փոխանցում կատարեց: Պրեմիեր լիգայի 14 խաղերում Հենրիխը արդեն երեք գոլի և նույնքան արդյունավետ փոխանցումների հեղինակ է դարձել:

«Լեսթեր»-ը բավականին երկար կարողացավ անառիկ պահել սեփական  դարպասը, սակայն «Կլաուդիո Ռանիերի» թիմը ընդմիջման գնաց` երկու գնդակ զիջելով ավելի փորձառու հակառակորդին: 42-րդ րոպեին Քրիս Սմոլինգը խաղադաշտի կենտրոնում օդային պայքարում հաղթող դուրս եկավ և գնդակն ուղարկեց Հենրիխ Մխիթարյանին: Հայ ֆուտբոլիստը մեկ հպումով առաջ անցավ Ռոբերտ Հուտից,  մեծ արագությամբ մտավ տուգանային հրապարակ և դիպուկ հարվածով գրավեց  Կասպեր Շմեյխելի դարպասը: Դանիացին հասավ գնդակին, սակայն իր թիմին փրկել չկարողացավ: Սկզբունքորեն, չէր էլ կարող, քանի որ հայ կիսապաշտպանի հարվածը ուժեղ էր և դիպուկ:

Այդպիսով, Մխիթարյանը սկիզբ դրեց «Մանչեսթեր Յունայթեդի» հաղթանակին, քանի որ, ոգևորության ալիքի ներքո, մանկունյանցիները առաջին գոլից երկու րոպե անց, կրկնապատկվեցին հաշիվը՝ Զատան Իբրագիմովիչի ջանքերի շնորհիվ: Ընդմիջումից հետո Մխիթարյանը ևս մեկ անգամ աչքի ընկավ իր վարպետությամբ: Մխիթարյան-Մատա դուետը խաղի 49-րդ րոպեին պարզապես պատռեց Անգլիայի գործող չեմպիոնի պաշտպանությունը: Հենրիխը, կարծես, չնկատեց «Լեսթերի» երեք պաշտաններին և, Մատայից ստանալով գնդակը, պաշտպանների միջով խաղընկերոջը դուրս բերեց վերջնական հարվածի: Ըստ էության, երկրորդ խաղակեսի մեկնարկում  խաղի ելքն արդեն կանխորոշված էր` շնորհիվ Հայաստանի հավաքականի առաջատարի փայլուն խաղի:

Այս հաղթանակից հետո Մանչեսթերի ֆուտբոլիտները հավաքեցին 45 միավոր և շարունակում են պայքարը առաջնության լավագուն քառյակում ընդգրկվելու համար:

 

Русская версия

 

0