Վաշինգտոն

ԱՄՆ դատարանը մերժել է Թրամփի միգրացիոն հրամանը վերականգնելու մասին հայցը

18
ԱՄՆ-ի դատարանը մերժել է նախագահ Դոնալդ Թրամփի միգրացիոն հրամանի դադարեցման մասին արդարադատության նախարարության կողմից Սիեթլի դատավորի որոշման բողոքարկումը:

ԵՐԵՎԱՆ, 5 փետրվարի — Sputnik. ԱՄՆ իններորդ օկրուգի բողոքարկման դատարանը մերժել է ԱՄՆ նախագահ Դոնալդ Թրամփի միգրացիոն հրամանը կասեցնելու մասին արդարադատության նախարարության դատական որոշումը չեղյալ հայտարերելու մասին հայցը, հայտնում է ՌԻԱ Նովոստին` հղում անելով դատարանի կայքում հրապարակած փաստաթղթին:

Ավելի վաղ Ռոյթերս գործակալությունը` հղում անելով ԱՄՆ արդարադատության նախարարության փաստաթղթին հայտնում էր, որ արդարադատության նախարարությունը շաբաթ օրը բողոքարկել է Սիեթլի դատարանի որոշումը, որը կասեցրել էր ԱՄՆ նախագահ Դոնալդ Թրամփի միգրացիոն հրամանը:

Washington Post թերթը`հղում անելով ԱՄՆ արդարադատության նախարարության բողոքարկման տեքստին, հայտնել էր, որ միգրացիոն հրամանի գործողությունը դադարեցրած Սիեթլի դատարանի որոշումը ուղղակիորեն վնասում է հասարակությանը:

Դատարանն արդարադատության նախարարության հայցին պատասխանողի դժգոհություններին հայցադիմորդի պատասխանը պարունակող գրության համար վերջնաժամկետ է սահմանել: Գրությունը պետք է ներկայացվի մինչև երկուշաբթի:

Իններորդ օկրուգի բողոքարկման դատարանը` ԱՄՆ բողոքարկման ատյանի դաշնային դատարանն է, որը ուսումնասիրում է Այդահո, Ալյասկա, Արիզոնա, Վաշինգտոն, Հավայա, Կալիֆոռնիա, Մոնտանա, Նևադա, Օրեգոն նահանգների և Գուամ և Հյուսիսային Մարիանայան կղզիների տարածքի գործերը:

ԱՄՆ նախագահ Դոնալդ Թրամփը նախորդ շաբաթ հրաման էր ստորագրել, որի համաձայն՝ ԱՄՆ-ում 120 օրով կասեցվում է փախստականների ընդունումը, արգելվում է սիրիացի փախստականների տեղավորումն՝ անորոշ ժամանակով, խստացվում են Ամերիկա մուտք գործելու համար նախատեսված որոշակի կանոնները, ինչպես նաև 90 օրով կասեցվում է մուտքն այն երկրներից, որոնք առավելապես մուսուլմաններով են բնակեցված: Խոսքը Իրաքի, Իրանի, Սիրիայի, Սուդանի, Եմենի, Լիբիայի և Սոմալիի մասին է:

Հրամանը տարբեր արձագանքներ է ունեցել ինչպես ԱՄՆ-ում, այնպես էլ համաշխարհային հանրության շրջանում:

Ամերիկյան սենատի դեմոկրատական կուսակցության անդամները մտադիր են քննարկման ներկայացնել օրինագիծը, որը թույլ կտա փոխել հրամանի գործողությունը: Ամերիկյան 15 նահանգների գլխավոր դատախազությունները Թրամփի այս որոշումն «անօրինական» անվանեցին: Անցյալ ուրբաթ երեկոյան Սիեթլի դատարանի դաշնային դատավոր Ջեյմս Ռոբարտը ԱՄն ադմինիստրացիային հանձնարարել է մասնակի կասեցնել նախագահի հրամանը: Դատավորի կարգադրությամբ՝ հրամանի գործողությունը դադարում է գործել ամբողջ երկրում:

Русская версия

18