Րաֆֆի Քասաբյանի և Անժելա Կարագյոզյանի հարսանիքը

Տարա՜ն–տարա՜ն. հայկական հարսանիք` Brides–ի էջերում

221
(Թարմացված է 00:43 28.01.2017)
ԱՄՆ–ում բնակվող հայ զույգի գեղեցիկ հարսանիքը հասարակության ուշադրության կենտրոնում է հայտնվել ոչ միայն հետաքրքիր ավանդույթների, այլ նաև շքեղության պատճառով։

ԵՐԵՎԱՆ, 27 հունվարի — Sputnik. Իրավաբան Րաֆֆի Քասաբյանի և Kirk Kara ոսկերչական ընկերության ժառանգորդ Անժելա Կարագյոզյանի հարսանիքը հայտնվել է հայտնի Brides ամերիկյան հրատարակության էջերում։ Ամսագիրը մանրամասն ներկայացրել է հարսանեկան արարողությունը` բացառիկ ամուսնական մատանուց մինչև 125-ամյա պատմություն ունեցող Kirk Kara ընտանեկան բրենդը և փեսացուի Armani ապրանքանիշի կոստյումը։ Շքեղ հարսանիքը տեղի է ունեցել 2016թ-ի մայիսի 14-ին` հայկական ավանդույթներով, բայց լուսանկարները հրապարակվել են օրերս։

Свадьба Раффи Кассабяна и Анжелы Карагезян в Калифорнии
Րաֆֆի Քասաբյանի և Անժելա Կարագյոզյանի հարսանիքը

Զույգի պսակադրությունը տեղի է ունեցել Կալիֆոռնիա նահանգի Վան Նայս շրջանի Սուրբ Պետրոս հայկական եկեղեցում։

«Ավանդական հայկական հարսանիք անել մեր համատեղ ցանկությունն էր, քանի որ մենք գնահատում ենք մեր արմատները և պահպանում կապը հայրենիքի հետ», — հրատարակությունը մեջբերում է Անժելայի խոսքերը։ Հանդիսությանը հրավիրել է 275 հյուր։ Հարսանիքի ժամանակ պարել են հայկական պարեր, այդ թվում, իհարկե, քոչարի։

Свадьба Раффи Кассабяна и Анжелы Карагезян в Калифорнии
Քոչարի` ամերիկահայերի հարսանիքին

Նորապսակներն իրենց մեղրամիսն անցկացրել են Մայամի քաղաքում և Բորա-Բորա կղզում։

Русская версия

221