ԵՐԵՎԱՆ, 27 հունվարի — Sputnik. Ամերիկահայ դերասանի փեսան` Մայք Քոնդոնը, հաստատել է նրա մահվան լուրը։ Նա ասել է, որ Քոնորսը կյանքից հեռացել է հինգշաբթի Լոս Անջելեսի հիվանդանոցում: Դերասանի մահվան պատճառ է դարձել լեյկեմիան: Այս մասին տեղեկացնում է Horizon Weekly-ն։
«Մաննիքս» դետեկտիվ հեռուստասերիալը ամերիկյան ալիքով հեռարձակվել է 1967 թվականին և եթերում է եղել 8 տարի շարունակ: Այդ ֆիլմում կատարած աշխատանքի համար Քոննորսը 4 անգամ առաջադրվել է «Էմմի» մրցանակի և «Ոսկե գլոբուսի» դափնեկիր է դարձել 1970-ին:
Նա ծնվել է 1925 թվականի օգոստոսի 15-ին ԱՄՆ-ի Կալիֆոռնիա նահանգի Ֆրեզնո քաղաքում:
Քոնորսը մասնակցություն է ունեցել այնպիսի ֆիլմերում, ինչպիսիք են «Կղզին երկնքում», «Ճահճե կինը», «Արևմուտքի 5 հրացանները», «Աշխարհի վերջի օրը», «Մարմինն ու դրդապատճառը» և «Թաչ Քոնորսը»:
