Հնագետներ

Չինաստանում հնագույն դամբարան են գտել

24
(Թարմացված է 12:51 10.01.2017)
Չինաստանում գտել են Մին դինաստիայի ժամանակների հնագույն դամբարան` առանց ոսկորների և դագաղի մնացորդների։

ԵՐԵՎԱՆ, 10 հունվարի — Sputnik. Հնագետները Չինաստանի Խունան նահանգում գտել են Մին դինաստիայի դամբարան, հաղորդում է «Սինհուան»։

Դամբարանի երկարությունը կազմում է 14 մետր, իսկ լայնությունը` երկու մետր։ Դամբարանի պատերին երկու աղջկա պատկերով որմնանկար կա։ Դամբարանը քարե պատեր ունի, դրանցից մեկի վրա պատկերներ են, իսկ մյուսների վրա փորագրված են շրջանաձև դիագրամներ` գրություններով։

«Դա որմնանկարներով ամենահին դամբարանն է` հայտնաբերված Խունան նահանգում։ Գտնված որմնանկարները կարող են իրենց ավանդն ունենալ Չինաստանի ազգային հագուստի պատմության ուսումնասիրության մեջ»,- հայտարարել է մշակույթի բաժնի փորձագետ Լո Շենգյանգը։

Դամբարանի ներսում ոսկորների մնացորդներ չկան, սակայն գտել են ամաններ և բրուտագործական իրեր։ Փորձագետների նախնական գնահատականներով` դամբարանը պատկանում է Մին դինաստիայի ժամանակաշրջանին (1368-1644թթ)։

Նյութի ռուսերեն տարբերակը

24