Հայ մոդելավորողների աշխատանքները ցուցադրվել են Վիեննայում` ՄԱԿ–ի շենքում
(Թարմացված է 15:56 23.11.2016)
Հայաստանի տեքստիլային ոլորտի մրցունակության բարձրացման նախագծի շրջանակում ստեղծվել է դիզայներական կենտրոն, որտեղ իտալացի մասնագետները դասավանդում են հագուստի մոդելավորում և դիզայն։ԵՐԵՎԱՆ, 23 նոյեմբերի — Sputnik. Հայ դիզայներները Վիեննայում` ՄԱԿ-ի շենքում, կազմակերպել են 2017 թ.-ի գարուն-ամառ հավաքածուի ցուցադրությունը։ Հագուստը ցուցադրվել է 5900BC միասնական ապրանքանիշի անվան տակ` Ռուսաստանի ու ՄԱԿ-ի արդյունաբերական զարգացման հարցերով կազմակերպության (UNIDO) ֆինանսական և տեխնիկական աջակցությամբ։
Երկուշաբթի Վիեննայում` ՄԱԿ-ի շենքում, ներկայացված 2017 թ.-ի գարուն-ամառ հավաքածուում գերակշռում են հանգիստ, դեղձագույն, ավազագույն, յասամանագույն, դարչնագույն, սպիտակ և արծաթագույն երանգները։ Բեմահարթակում ցուցադրվել են զգեստներ և վերնազգեստներ, տաբատներ և կիսաշրջազգեստներ, պիջակներ և աքսեսուարներ գալիք սեզոնի համար։
Հայաստանի արտգործնախարարի տեղակալ Ռոբերտ Հարությունյանը ՌԻԱ Նովոստիին ասել է. «Այս նախագծի հիմքում ընկած գաղափարը մեկ ապրանքանիշի տակ է հավաքել թեթև արդյունաբերության ոլորտի մի քանի ընկերությունների, և հետաքրքիր է եղել դիտել, թե ինչպես են այդ ընկերություններն աշխատում միմյանց հետ, ինչպես են դրանք աճել և օգնել միմյանց հասկանալ շուկան»։
UNIDO-ի գործարկած նախագծի շրջանակում Հայաստանում ստեղծվել է դիզայներական կենտրոն, որտեղ իտալացի մասնագետները դասավանդում են հագուստի դիզայն և մոդելավորում։
«Հայաստանի տարածքում անցկացված պեղումների ժամանակ գտել են կիսաշրջազգեստ, որը թվագրվում է մ.թ.ա. 5900 թ.-ին։ Ուստի, այդ ապրանքանիշը կոչվում է 5900BC»,- նշել է գործակալության զրուցակիցը։
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Այս վիճակից ելք գտնելը ժողովրդի պահանջն է. Մարուքյանը պատրաստ է խոսել բոլոր ուժերի հետ
(Թարմացված է 11:33 05.03.2021)
Մարուքյան–Փաշինյան հանդիպումն արդեն կայացել է։ ԲՀԿ–ն հայտարարել է, որ վարչապետից հրավեր չի տացել։ ԵՐԵՎԱՆ, 5 մարտի – Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանը հույս ունի, որ խորհրդարանը ցրելու ու արտահերթ ընտրություններ նախաձեռնելու ՀՀ վարչապետի առաջարկին կմիանան նաև այլ քաղաքական ուժեր։ Այս մասին նա հայտարարեց այսօր ԱԺ–ում կայացած ճեպազրույցում։
«Սա մի պրոցես է, որտեղ պետք են զիջումներ, կոնսենսուսներ բոլոր կողմերից։ Հիմա, եթե ստացվի, կասենք` մենք ամեն ինչ արեցինք, որ այս երկրում ցնցումներ չլինեն, արյունահեղություն չլինի, ու լուծվեց այս հարցը։ Եթե չստացվի, կբացատրեն` ժողովրդին, որ հասանք այսինչ մակարդակին, բայց այդ մակարդակում առաջացավ այսինչ խնդիրը, և դա չեղավ»,– ասաց Մարուքյանը` հավելելով, որ այս վիճակից ելք գտնելը ժողովրդի պահանջն է, որն այլևս անկարող է դիմանալ այս պայմաններին։
«Ես մեկ ժամ խոսակցություն եմ ունեցել և պատրաստ եմ ցանկացած այլ ուժի հետ էլ այդ խոսակցությունն ունենալ»,– ասաց Մարուքյանը։
Հիշեցնենք, որ մարտի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
«Բարգավաճ Հայաստանը» վարչապետ հետ հանդիպման դեռ չի գնացել ու հայտարարել է, որ նրանից հրավեր չի ստացել։