Մարդասիրական օգնություն

2728 սիրիահայ ՀՀ-ից ուղարկված մարդասիրական օգնություն է ստացել

12
(Թարմացված է 14:30 22.10.2016)
Հայաստանից ուղարկված մարդասիրական օգնությունը բաշխվել է հոկտեմբերի 17-ից 21-ն ընկած ժամանակահատվածում:

ԵՐԵՎԱՆ, 22 հոկտեմբերի — Sputnik. Հալեպում բնակվող 2.728 հայ ստացել է ՀՀ նախագահի հանձնարարությամբ Հայաստանից Սիրիա ուղարկված մարդասիրական օգնությունը:

Հալեպի «Գանձասար» պարբերականը հաղորդում է, որ նախապես հաղորդագրություն էր տարածվել` ժողովրդին հրավիրելով Սբ Աստվածածին եկեղեցի` ստանալու պատրաստված զամբյուղները:

Բնակիչներին տրամադրվել է հանդերձանք, սննդամթերք, ծխախոտ: Օգնության բաշխումը կատարվել է հոկտեմբերի 17-ից 21-ը և շարունակվում է ըստ հայտարարված ժամանակացույցի:

Նախագահ Սերժ Սարգսյանի հանձնարարությամբ Սիրիա ուղարկված մարդասիրական օգնությունը հոկտեմբերի 7-ին հասել էր Հալեպ և հանձնվել Սիրիահայության շտապօգնության և վերականգնման մարմնին:

 

12